ოლე გუნარ სოლსკიაერის დაუმარცხებელი სტარტი პრემიერ ლიგაში უნაი ემერმა შეაჩერა. დღეს "არსენალმა" "იუნაიტედი" ორი ბურთის სხვაობით დაამარცხა. უნაი ემერი კი თავისი ფეხბურთელებით კმაყოფილია და, მისი აზრით, "მეთოფეებმა" გამარჯვება დაიმსახურეს.
"პირველ რიგში ძალიან მადლიერი ვარ ჩვენი გულშემატკივრების, რადგან ისინი დღეს ძალიან დაგვეხმარნენ. ეს ატმოსფერო დიდებულია. "იუნაიტედი" პსჟ-ს დამარცხების შემდეგ ჩემპიონთა ლიგაზე ძალიან კარგ მომენტშია, მაგრამ ჩვენ პრემიერ ლიგაში ვართ კარგ ფორმაში. ვფიქრობ, რომ დღეს დიდებული მატჩი ჩავატარეთ."
"კარგია, რომ ასეთი გუნდის წინააღმდეგ ამდენად დამაჯერებელი გამარჯვება მოვიპოვეთ. ძალიან, ძალიან ბედნიერი ვარ. საოცარი ხარისხით ვითამაშეთ, საოცარი შემართებით."
"მათ დაცვაშიც და შეტევაშიც კარგად შეუძლიათ თამაში, მაგრამ ჩვენ 90 წუთის განმავლობაში ყველაფერს კარგად ვუძღვებოდით. ვფიქრობ, ასეთი ძლიერი გუნდის წინააღმდეგ გამარჯვებასაოცარ თავდაჯერებას შეგვმატებს."