კატალონიური გრანდის ბრაზილიელი შემტევი ფილიპე კოუტინიო, გულშემატკივარმა მომავალი სეზონიდან შესაძლოა ისევ "ნისლიან ალბიონზე" იხილოს. ფეხბურთელის ესპანური კარიერა არცთუისე კარგად მიმდინარეობს.

Mirror - ის მიერ გავრცელებული ცნობით, 26 წლის შემტევი ნახევარმცველი "მანჩესტერ იუნაიტედში" გადასვლას გეგმავს, რომელიც თავის მხრივ დაინტერესებულია ბრაზლიელი ჰავბეკის საკუთარ რიგებში ასპარეზობით.

მიმდინარე კონტრაქტი კოუტინიოს კატალონიურ გრანდთან 2023 წლამდე აკავშირებს.

შეგახსენებთ, რომ ფეხბურთელი ინგლისის პრემიერ ლიგაში 2013 წლიდან 2018 წლამდე ასპარეზობდა. მიმდინარე სეზონში, მან ვალვერდეს გუნდში, ყველა ტურნირზე ჩატარებულ 25 შეხვედრაში საკუთარი აქტივი მხოლოდ 4 გოლით და 2 საგოლე გადაცმით შეავსო.