"მანჩესტერ იუნატედმა" £686.7 მილიონი დახარჯა ტრანსფერებში სერ ალექსის წასვლის შემდეგ, თუმცა მათი ერთ-ერთი ყველაზე იაფი შენაძენი სატრანსფერო სტრატეგიის ცვლილების მიზეზი შეიძლება გახდეს.

"იუნაიტედის" გამორჩეულ ევროპულ ქამბექს პარიზში დაცვის სულელური თამაშიც ახლდა თან. ტრიუმფს "პარკ დე პრენსზე", რომელიც ყველაზე გამორჩეული მომენტია ოლეს სამწვრთნელო კარიერაში, გუნდი ვერასოდეს მიაღწევდა, ერიკ ბაიი მარჯვენა ფლანგზე რომ დარჩენილიყო.

ბაიის აქამდე არასოდეს ეთამაშა მარჯვენა ფლანგზე და ალბათ აღარც არასდროს ითამაშებს. მარკო ვერატი მიეშველა "იუნაიტედს", როდესაც მან დაზიანება მიაყენა კოტ-დ'ივუარელს და იძულებული გახადა სულშერი 36-ე წუთზე მის ნაცვლად დიოგუ დალო შემოეყვანა. დალო ათი წუთის შემოსულიც არ იყო მინდორზე და მან უკვე ტყავი გააძრო მასსავით რისკის მოყვარულ ფლანგის მცველ ხუან ბერნატს.

სულშერი, რომელიც, ალბათ, ფიქრობდა რა მოემოქმედებინა იუნაიტედის გამოუცდელი სკამით, სადაც აკადემიის 4 თინეიჯერი იჯდა ჯამურად 6 თამაშით ძირითად გუნდში (ყველა შეცვლაზე), ნატრობდა უფრო გამოცდილ მოთამაშეს, რომელიც თამაშს შეცვლიდა. ეს მხოლოდ გასულ შაბათს მოხდა, როდესაც დალოს შემოსვლამ დამუხტა იუნაიტედი და თამაში შემოატრიალებინა საუთჰემპტონთან და შეიძლება ითქვას, რომ პორტუგალიელი თინეიჯერი მცველი უკვე უფრო სასარგებლო შემტევი მოთამაშეა გუნდისთვის, ვიდრე ალექსის სანჩესი. "იუნაიტედს" კი კარგად ახსოვს მათ გუნდში 20 ნომრით მოთამაშე სხვა სუპერცვლილება.

ჟოზე მოურინიომ დიოგუს "მანჩესტერ იუნაიტედის" მომავალი ათი წლის მარჯვენა მცველი უწოდა. დალო "იუნაიტედის" ერთადერთი ფეხბურთელი იყო, რომელიც პრესნელ კიმპემბეზე ხელით თამაშის დაფიქრირებას ითხოვდა. "მე ეს უკვე ვიცოდი" - დააწერა დალომ საკუთარ ინსტაგრამ სთორის. წარწერას იქვე ხელით მითითების, დაკუნთული მხრის, ამაყი სახის ემოჯიები და ჰაშთაგები #Penalty და #GoCheckThatVAR მიამატა. მოურინიო მას აშკარად სოციალურ მედიაში მუშაობაზეც ავარჯიშებდა.

მოურინიოს კვალი მთელი გასული კვირის განმავლობაში იგრძნობოდა - ლი გრანტი ანდრეას პერეირას მოჭრილი დარტყმის დახვეწაში ეხმარებოდა, რამაც შედეგი საუთჰემპტონთან გამოიღო; ასევე, დალოს ჩართვები და ფრედის წვლილი. დალოს, რომელიც ჯერ მხოლოდ 19 წლისაა და ძირითად შემადგენლობაში ჯამში 10 თამაში აქვს დაწყებული, შეგვიძლია თავისუფლად ვუწოდოთ ზაფხულის გამორჩეული ტრანსფერი. ასეთ ახალგაზრდულ ასაკში მან უკვე უნიკალური კვალი დატოვა იუნატედში.

გასულ ზაფხულს ფლანგის მცველის შეძენა კლუბისგან ექსპერიმენტული გადაწყვეტილება იყო. დალოს მხოლოდ 8 შეხვედრა ჰქონდა პორტუში ჩატარებული და მისი სახელი პორტუგალიის გარეთ ცოტამ თუ იცოდა. მიუხედავად ამისა, მოურინიომ დაარღვია ტრადიცია და გაიფორმა თანამემამულე.

იუნაიტედმა საბოლოოდ ამ ტრანსფერში 19 მილიონი ფუნტი გადაიხადა - ზუსტად იმდენი, რაც 2001 წელს გუნდს რუდ ვან ნისტელროი დაუჯდა. იმ ეპოქაში, სადაც ელიტური ფლანგის მცველების ფასები 50 მილიონი ფუნტიდან იწყება, "იუნაიტედმა" დაუმუშავებელი ძვირფასი ქვა იპოვა და დღეს მისი ფასი, სულ მცირე, გაორმაგებულია.

რა არის ასეთი გასაოცარი დალოს ტრანსფერში და რატომ არის ის კლუბის პოლიტიკიდან გადახვევა? მოურიიოს ჰქონდა ტენდენცია, რომ მოეთხოვა უკვე აღიარებული მოთამაშეები, ხოლო ვუდვორდს ჰქონდა ტენდენცია, რომ დაბრმავებულიყო კაშკაშა ვარსკვლავებით. სუპერვარსკვლავების კლუბში მოყვანის სტრატეგიამ აშკარად ვერ იმუშავა სათანადოდ, მიუხედავად იმისა, რომ პოლ პოგბა ამტკიცებს საკუთარ უმაღლეს კლასს, ხოლო რომელუ ლუკაკუ ნელ-ნელა იწყებს მასზე გაცემული ავანსების გამართლებას. ჰენრიხ მხითარიანი, რადამელ ფალკაო, ანხელ დი მარია, მეორე სეზონის ზლატანი და ბოლოს უკვე ალექსის სანჩესი - "იუნაიტედს", რა თქმა უნდა სჭირდება მნიშვნელოვანი ტრანსფერები, თუმცა მათ ფინანსურ საკითხებზეც უნდა იზრუნონ.

ლუკაკუ უკვე აღარაა მინო რაიოლას კლიენტი, შესაბამისად პოგბა რაიოლასთან დაკავშირებულ ერთადერთ მოთამაშედ რჩება კლუბში. ხოლო ჟორჟე მენდეშის ერთადერთი წარმომადგენელი დე ხეაა. იუნაიტედი ნელ-ნელა იწყებს სახელოვან აგენტებთან შეხმატკბილებული ურთიერთობის გაწყვეტას და ამ მხრივ ფერნანდო ფელიცევიჩი შეიძლება უკანასკნელი ბენეფიციარი იყოს.

ერთი დღით ადრე, სანამ წითელი ეშმაკები თავად დაწერდნენ ისტორიას პარიზში, ისინი ადევნებდნენ თვალს აიაქსის ჩატარებულ გაკვეთილს იმ გუნდით, რომელიც უფრო ნაკლები უჯდება ამსტერდამულ კლუბს, ვიდრე გარეთ ბეილის ხელფასი პერესს. უსამართლობა იქნება "პსჟ" "იუნატედის" შეხვედრაც გოლიათისა და დავითის ბრძოლას შეადარო, თუნდაც 10 ფეხბურთელის არყოფნის გათვალისწინებით, თუმცა მათი და აიაქსის შედეგები საბოლოოდ სენსაციურ მოვლენად განიხილება.

ეს მაგალითია იმის, რომ სწორი მიდგომით ნაკლებიდან მაქსიმალური შედეგი შეიძლება მიიღო. "იუნაირედი" მზადაა დახარჯოს წარმოუდგენლად დიდი თანხა ელიტური ცენტრალური მცველის საყიდელად და გადაიხადონ 100 მილიონ ფუნტზე მეტი შესაბამისი პროფილის ფეხბურთელში. თუმცა ეს შეიძლება ანომალია იყოს. ახალგაზრდა ფეხბურთელების განვითარების შეფერხება იმ სამ უმთავრეს მიზეზში სახელდება, რის გამოც მოურინიო კლუბიდან დაითხოვეს. ხოლო სულშერის გაბედულება, რომ არ გაჩერებულიყო მხოლოდ 19 წლის ჩონგზე და დაყრდნობოდა 17 წლის მეისონ გრინვუდს სრულად ესადაგება კლუბის კულტურას - გწამდეს ახალგაზრდების.

"შენ უყურებ ფეხბურთელებს და იმედიანად ხარ, რომ მათ, ვისაც კლუბი გაიფორმებს, აქ ბევრი, ბევრი წლის განმავლობაში დარჩებიან." - თქვა სულშერმა პარასკევს. "ასე რომ ეს იმაზეა დამოკიდებული, როგორ უდგებით ამ საკითხს." იუნატედს სჭირდება მეტად ჩართოს გრინვუდი, ჩონგი ენჯელ გომესი და ჯეიმზ გარნერი გუნდში. თავის მხრივ, დალოს მალე ახალგაზრდა კონკურენტი გამოუჩნდება ინგლისელი ითან ლერდის სახით.

ისიც კი უკეთესი მარჯვენა მცველია, ვიდრე ერიკ ბაიი.

ავტორი: სემუელ ლაკჰარსტი
წყარო