ოლე გუნარ სოლსკიაერი ეთანხმებას მოსაზრებას რომელუ ლუკაკუსა და მარკუს რეშფორდის შესახებ იმის თაობაზე, რომ მათ "მანჩესტერ იუნაიტედის" შეტევაში დიდებული პარტნიორობის ჩამოყალიბება შეუძლიათ.

ეს დუეტი ერთმანეთის კონკურენტად მოიაზრება ცენტრალური თავდამსხმელის პოზიციაზე, მაგრამ "პარი სენ-ჟერმენთან" მატჩში ორივე მათგანი სასტარტო შემადგენლობაში თამაშობდა. ლუკაკუმ ორჯერ გაიტანა, რომელთაგან მეორე გოლი რეშფორდის დარტყმულს მოჰყვა, ხოლო ინგლისელმა შეხვედრის გადამწყვეტი პენალტი გარდასახა გოლად.

მატჩის შემდეგ საფრანგეთის დედაქალაქში მათ ინტერვიუც კი ერთობლივად მისცეს და როგორც ჩანს, ბრწყინვალე ტანდემის ჩამოყალიბებას გეგმავენ.

რა თქმა უნდა, ორივე მათგანს შეუძლია ფლანგზე თამაშიც - რასაც ლუკაკუ ჩვენი მომდევნო მეტოქის წინააღმდეგ ინგლისის თასის მატჩში აკეთებდა, ხოლო რეშფორდი ფლანგიდან თავისი გამწვავების უნარით ცნობილია.

ენტონი მარსიალის დაბრუნება სოლსკიაერს დამატებით შესაძლებლობას მისცემს შეტევაში ოთხეულისთვის ბრძოლაში კონკურენტის წინააღმდეგ, თუმცა არ არსებობს ნორვეგიელზე უკეთესი შემფასებელი ამ საქმეში, ვინაიდან თავადაც ერთ-ერთი ყველაზე მომაკვდინებელი შემსრულებელი იყო კლუბის ისტორიაში.

"არა მგონია, ლუკაკუსთვის ბევრი რამ შეცვლილიყო. რა თქმა უნდა, მას მანამდეც სთხოვდნენ ფლანგზე თამაშს და მომენტების შექმნას, მაგრამ ახლა უფრო მეტადაა სიღრმეში შეწეული და საჯარიმოშიც ხშირად აღმოჩნდება. ჩვენ გვინდა, რომ ლუკაკუ პირდაპირი უყურებდეს კარს და არ იდგეს კარისკენ ზურგით.

რა თქმა უნდა, შეტევაში ორი ფორვარდითაც გვითამაშია, როგორც პსჟ-სთან იყო რეშისა და რომელუს დაყენებით. ისინი ერთად ძალიან ლამაზ პარტნიორობას ჩამოაყალიბებენ და მე რომ მცველი ვიყო, საერთოდ არ მენდომებოდა, რომ მათ შემომიტიონ!"

ორივე ფეხბურთელი ბრწყინავდა ბარიზში და იმედია, მათგან უფრო მეტს ვიხილავთ სეზონის მიწურულს. თუმცა, სოლსკიაერს მიაჩნია, რომ რეშფორდის შემთხვევაში დიდ განვითარებას ვერ ხედავს, რადგან საკმარისად დიდი დრო არ გაუტარებია კლუბში, ხოლო რაც ნახა, მასში ეჭვი მანამდეც არ ეპარებოდა.

"სამ თვეში ფეხბურთელში დიდ სხვაობას ნამდვილად ვერ დაინახავ. ჯერ 21 წლისაა, ამიტომ გეპატიება, თუკი ზოგჯერ მწვერვალს იპყრობ, შემდეგ კი სიმწვავეს კარგავ.

რეშთან სამართლიანი რომ ვიყო, სულაც არ ველოდები მისი თამაშისგან სტაბილურობას, მაგრამ მაინც კარგად თამაშობს. მისი საშემსრულებლო ოსტატობა, ბურთის დარტყმა, მიდგომა - ეს ყველაფერი მუდამ მისი თანმდევი იქნება.

სავარჯიშო სესიების დასრულების შემდეგ მას ყოველთვის იმ აზრით ვმუხტავ, რომ იმდენივე გოლი უნდა გაიტანოს, რამენიც რომმა. ის ყოველთვის უნდა გამოეხმაუროს ისეთ მარტივ გოლებს, როგორებიც რომს ჰქონდა ბოლო მატჩებში. რეშის გოლები ზოგჯერ "მსოფლიო" გოლებს ჰგავს და ბურთს სენსაციურად ურტყამს. შესამშნევია გაუმჯობესება, პროდუქტიულობა და ცვლილება კრიშტიანუ რონალდუს მსგავს გოლებთან შედარებით ახალგაზრდობიდან დღემდე.

საჯარიმოდან ბევრი გოლი გააქვს და ახლა რეშმა სწორედ ეს უნარი უნდა გააუმჯობესოს - ბურთის შეგდება კარში, საჯარიმოში მოძრაობები. ზოგჯერ საჯარიმოში უნდა დარჩეს და უფრო ხშირად უნდა განერიდოს ცენტრალურ მცველებს. მას ვუთხარი, რომ საჯარიმოში დარჩენით 5-10 გოლით მეტს გაიტანს".

წყარო: manutd.com