"მანჩესტერ იუნაიტედის" ფეხბურთელები ლონდონში მორიგი ვიზიტისთვის ემზადებიან და გუნდი კვირას კარგი განწყობით ხვდება, რაც განპირობებულია როგორც ჩემპიონთა ლიგაზე მიღწეული მნიშვნელოვანი გამარჯვებით, ასევე რამდენიმე ტრავმირებული ფეხბურთელების დაბრუნებით.

გუნდთან ერთად დღეს ვარჯიშზე იმყოფებოდნენ ხუან მატა, ნემანია მატიჩი, ენტონი მარსიალი და ანდერ ერერა, რომლებმაც "ლივერპულთან" მატჩამდე და მატჩში მიღებული ტრავმები უკვე მოიშუშეს.

გარდა ამისა, სერიოზული არ აღმოჩნდა ერიკ ბაიის ტრავმაც, რომელიც აფრიკელმა პსჟ-სთან ჩემპიონთა ლიგის მატჩის პირველ ტაიმში მიიღო.