რამდენიმე წუთის წინ მარკ სალივანმა ოფიციალურ გვერდზე განცხადება გამოაქვეყნა. ის ტრავმირებულების შესახებ ოლე გუნარის მიერ მოწოდებულ ცნობებს გვაცნობს:

"მე ოლე გუნარს დღეს დილას ვესაუბრე და ინტერვიუ ჩამოვართვი. შუადღეს კი პრესკონფერენციასაც გამართავს. ყველაზე მეტად, ალბათ, ტრავმირებულების შესახებ გაინტერესებთ ინფორმაცია. ამის შესახებ მხოლოდ ის მითხრა, რომ შესაძლოა, დღეს ენტონი მარსიალი გუნდს ვარჯიშზე შემოუერთდეს. რაც შეეხება დანარჩენებს, მისი განცხადებით, გუნდი ისევ ისე გამოიყურება."

შეგახსენებთ, რომ მარსიალმა ტრავმა პსჟ-სთან მიიღო და მას შემდეგ არც კი უვარჯიშია.