სრულიად საფეხბურთო სამყარო გუშინ მომხდარ ფაქტზე საუბრობს. ფაქტი, რომელიც ისტორიას სამუდამოდ დარჩება.
თითქმის მთელი ძირითადი თერთმეტეულის გარეშე დარჩენილმა ოლე გუნარ სოლსკიაერის "იუნაიტედმა", სტუმრად ფრანგულ პსჟ-ს 1-3 სძლია და "ოლდ ტრაფორდზე" დასანანი მარცხი ყველას დაავიწყა. შეგახსენებთ, რომ "წითლები" პირველ შეხვედრაში შინ 0-2 დამარცხდნენ.
ინგლისური კლუბის ყოფილმა მეკარე ფაბიენ ბარტეზმა, ჟურნალისტებისთვის მიცემულ ინტერვიუში იმ მიზეზებზე ისაუბრა, რამაც საბოლოო ჯამში ტუხელის გუნდის დამარცხება გამოიწვია.
"პარიზელებმა "წითელი ეშმაკების" მიმართ პატივისცემა არ გამოიჩინეს. ვთვლი, რომ სპორტში მოწინააღმდეგისა და ამა თუ იმ ფეხბურთელის დაფასება ერთ ერთი მთავარი კომპონენტია. "პარი-სენ ჟერმენმა" წარსულის შეცდომებიდან ვერაფერი ისწავლა". - ციტირებს Le Parisien ბარტეზის სიტყვებს.