6 მარტს, თბილისის დროით 23:59 სთ - ზე, ჩემპიონთა ლიგის მერვედფინალურ განმეორებით მატჩს, ოლე გუნარ სოლსკიაერის "მანჩესტერ იუნაიტედი" საფრანგეთში "პარი სენ ჟერმენის" წინააღმდეგ გამართავს.

"წითლები" საფრანგეთის დედაქალაქში დიდი დანაკლისით ჩადიან. პირველ შეხვედრაში მიღებული წითელი ბარათის გამო, გუნდს პოლ პოგბა ვერ დაეხმარება.

ცნობილი გამოცემა Metro ავრცელებს სოლსკიაერის ინტერვიუს, სადაც ნორვეგიელი სპეციალისტი, ინგლისელების ტრავმირებულ ფეხბურთელზე ენტონი მარსიალზე საუბრობს, ოლე გუნარის თქმით ვერც ენტონი ვერ შეძლებს მომავალ შეხვედრაში მონაწილეობის მიღებას.

"მარსიალი" არ ვფიქრობ, რომ ჩვენ გარისკვა შეგვიძლია. მას ვარჯიშები ჯერ კიდევ არ დაუწყია, აქედან გამომდნარე ვფიქრობ, რომ მარსიალი "პსჟ" - ეს წინააღმდეგ ვერ ითამაშებს". - ციტირებს აღნიშნული წყარო სოლსკიაერის სიტყვებს