"მანჩესტერ იუნაიტედის" 33 წლის კაპიტანი, ანტონიო ვალენსიას განცხადებით, იგი ახლა მხოლოდ დაბრუნებაზეა ფოკუსირებული.
მანჩესტერელთა კაპიტანმა სოციალური ქსელის საშუალებით მცირე განცხადება გააკეთა: ლაგო-აგრიო ეკვადორის მოკრძალებული ქალაქია. როცა ბავშვი ვიყავი, არასდროს წარმომედგინა, რომ ევროპაში ვიმოგზაურებდი. მადლობა ღმერთს, 10 წელი მსოფლიოს საუკეთესო კლუბში გავატარე. ახლა მხოლოდ დაბრუნებაზე ვფიქრობ, შემიძლია ამ სეზონში "ოლდ ტრაფორდზე" ვითამაშო".
ოლე გუნარ სოლსკიაერის მოსვლის შემდეგ ვალენსიამ მხოლოდ ერთ მატჩში მიიღო მონაწილეობა. "საუთჰემპტონთან" შეხვედრის წინ ნორვეგიელი სპეციალისტის განცხადებით, იგი დარწმუნებული არ არის, რომ "იუნაიტედის" კაპიტანი გუნდში დარჩება. დიდი ალბათობით, სეზონის ბოლოს ანტონიო ვალენსია მანჩესტერულ კლუბს დატოვებს.
"ამ მომენტისთვის, არ ვარ დარწმუნებული, რომ "მანჩესტერ იუნაიტედი" და ანტონიო ვალენსია მომავალ წელზე შეთანხმდებიან. მას ჯერ კიდევ აწუხებს ტრავმა, ბოლომდე გამოჯანმრთელებული არ არის. "მანჩესტერ იუნაიტედში" ფანტასტიკური კარიერა ჰქონდა. გასახდელში ის იმ იშვიათი ფეხბურთელების რიგს მიეკუთვნება, რომლებმაც პრემიერ ლიგა მოიგეს." - განაცხადა სოლსკიაერმა.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.