"მანჩესტერ იუნაიტედის" დროებითმა მწვრთნელმა, ოლე გუნარ სოლსკიაერმა გუნდის თამაშის გაუმჯობესებაში მაიკ ფელანის მნიშვნელობას გაუსვა ხაზი.
"იუნაიტედის" ყოფილი ნახევარმცველი შვიდი წლის განმავლობაში იყო გუნდის ერთ-ერთი მწვრთნელი, შემდეგ კი სერ ალექს ფერგიუსონის ასისტენტი გახდა და მის პერიოდში "წითლებმა" ექვსჯერ მოიგეს პრემიერ ლიგაში, ერთხელ კი - ჩემპიონთა ლიგა.
ამჟამად ფელანი აქტიურადაა ჩართული კლუბის საქმეებში და ოლე გუნარის მოსვლის შემდეგ მან თავისი წვლილი შეიტანა "იუნაიტედის" თამაშის გაუმჯობესებაში, რასაც ნორვეგიელი არ უარყოფს.
"ყველა მათგანი მნიშვნელოვანია, რადგან კიერანი, მაიკლი და დემპსი ვარჯიშების უმეტეს ნაწილს თავად მართავენ და ამას შესანიშნავად აკეთებენ.
მიკი კი მიკია. მან იცის აქაურობის შესახებ ყველაფერი, ესაუბრება ყველას, გვაძლევს რჩევას და შესანიშნავი დამაბალანსებელია, როცა რამეს განვიხილავთ. ერთად კარგ დროს ვატარებთ. ვფიქრობ, ორივე ჩვენგანი სიამოვნებას იღებს."