ოლე გუნარ სოლსკიაერმა ანტონიო ვალენსიას შესახებ ისაუბრა. მისი განცხადებით, "იუნაიტედი" და ეკვადორელი შეთანხმების მიღწევისგან შორს არიან.
ვალენსია "იუნაიტედის" კაპიტანია, თუმცა მიმდინარე სეზონში მხოლოდ რვა მატჩის ჩატარება მოახერხა. სათადარიგოთა სკამზე მისი განთავსება მოურინიომ გადაწყვიტა, ნორვეგიელის მოსვლის შემდეგ კი ეკვადორელს ტრავმები სტანჯავს.
მის მიმდინარე კონტრაქტს სეზონის ბოლოს ეწურება ვადა, თუმცა "იუნაიტედს" შეუძლია კონტრაქტი კიდევ ერთი წლით გაუხანგრძლივოს. ეს შესაძლებლობა ხელმძღვანელობას მიმდინარე კვირის პარასკევის ჩათვლით აქვთ.
ვალენსიას მომავალზე ჟურნალისტებმა ოლეს კითხვები დაუსვეს, რაზეც ნორვეგიელმა შემდეგი პასუხი გასცა:
"ამ მომენტისთვის, მე არ ვარ დარწმუნებული, რომ "მანჩესტერ იუნაიტედი" და ანტონიო ვალენსია მომავალ წელზე შეთანხმდებიან."
"მას ჯერ კიდევ აწუხებს ტრავმა, ბოლომდე გამოჯანმრთელებული არ არის. "მანჩესტერ იუნაიტედში" ფანტასტიკური კარიერა ჰქონდა. გასახდელში ის იმ იშვიათი ფეხბურთელების რიგს განეკუთვნება, რომლებმაც პრემიერ ლიგა მოიგეს."
"ყველაფერი იმაზეა დამოკიდებული მოხვდება თუ არა მოედანზე შემდეგი რამდენიმე თვის განმავლობაში. ის კაპიტანია და გუნდისთვის ძალიან ბევრი რამ აქვს გაკეთებული. ასე რომ ვიმედოვნებ, მის შეყვანას მოედანზე შევძლებ და ექნება შანსი, რომ კლუბს დაანახოს, თუ რა შეუძლია."