რომელუ ლუკაკუს განცხადებით, "კრისტალ პალასთან" მოპოვებული სამი ქულა სასიცოცხლოდ მნიშვნელოვანი იყო "წითლებისთვის". გუშინდელი გამარჯვების შემდეგ "იუნატედი" კვლავ მეხუთე ადგილზეა, მაგრამ ოთხეულთან სხვაობა მხოლოდ ერთი ქულაა.
ლუკაკუმ მასპინძლებს ორი გოლი გაუტანა და ძალიან კარგად იაზრებს, თუ რამდენად მნიშვნელოვანი იყო მეტოქის კარის დალაშქვრა:
"ასეთი მატჩები უნდა მოიგო. ძალიან აღელვებული ვარ და მოუთმენლად ველი შემდეგ მატჩებს. ამ შემადგენლობით ბევრ მატჩს მოვიგებთ და ძალიან კარგადაც ვითამაშებთ და დარწმუნებული ვარ, რომ როცა ტრავმირებული ფეხბურთელები დაბრუნდებიან დაგვეხმარებიან და "იუნაიტედი" თავის ადგილს დაუბრუნდება და ცხრილში რაც შეიძლება მაღლა გადავინაცვლებთ."
"რაც შეეხება ჩემს პირველ გოლს, შევამჩნიე, რომ მარჯვენა მხარეს ცოტაოდენი სივრცე მქონდა და მე უბრალოდ ეს სივრცე გამოვიყენე. ვფიქრობ, კარგი გოლი გამოვიდა."
"მე ძალიან ბევრი მივარჯიშია ჩემს მარჯვენა და მარცხენა ფეხზე ბავშვობიდანვე ასე რომ მათი გამოყენების პრობლემა არ მაქვს. როდესაც ბურთი ჩემთან არის, არ ვფიქრობ იმაზე, რომელი ფეხი გამოვიყენო, უბრალოდ სიტუაციისთვის მოსახერხებლად ვიქცევი. ძალიან მიხარია, რომ გამარჯვება მოვიპოვეთ და ისიც მაბედნიერებს, რომ ორი გოლის გატანაც შევძელი."
"მე მოთმინებით ველოდი შანსს, როცა ცენტრ-ფორვარდის პოზიციაზე შევძლებდი თამაშს და ეს შანსი დღეს მივიღე. ძალიან ბედნიერი ვარ, რომ შესაბამისად გამოვიყენე და გუნდს დავეხმარე."
"არ აქვს მნიშნელობა, სად ვითამაშებ, წინ, მარჯვნივ თუ მარცხნივ. ყოველთვის ვეცდები, რომ გუნდისთვის ჩემი მაქსიმუმი გავაკეთო. თუ გუნდი დახმარებას მოახერხებს და ამაში ჩემს წვლილს შევიტან ჩემზე ბედნიერი არავინ იქნება."
"ვფიქრობ, რომ ბოლო დროს ძალიან კარგად ვთამაშობთ და ბევრ რამესაც მივაღწიეთ. გადახედეთ გუნდებს, რომლებსაც ვეთამაშეთ. არავის ეგონა, რომ ჩვენ ამას შევძლებდით, მაგრამ ზუსტად ისეთი პასუხი გავეცით, როგორიც "მანჩესტერ იუნაიტედს" ზოგადად სჩვევია - გავიმარჯვეთ და თანაც ისე, რომ ყოველთვის ვდომინირებთ."