მორიგი დამაჯერებელი ასპარეზობა შესთავაზა, ოთხეულისთვის მებრძოლმა "მანჩესტერ იუნაიტედმა" გულშემატკივარს. ოლე გუნარ სოლსკიაერის შეგირდებმა, სტუმრად "კრისტალ პალასი" დამაჯერებელი ანგარიშით 1 - 3 დაამარცხეს და ჩემპიონთა ლიგის ზონისთვის ბრძოლას განაგრძობენ.
ნორვეგიელი სპეციალისტისთვის ეს ერთი რიგითი შეხვედრა არ ყოფილა. გუნდის დროებითმა მენეჯერმა, კლუბის არსებობის ისტორიაში შესანიშნავი შედეგი დააფიქსირა, ის რაც თვით სერ ალექს ფერგიუსონმაც ვერ შეძლო.
"არწივებთან" გამარჯვებით, "იუნაიტედმა" ზედიზედ მერვე გასვლითი შეხვედრა მოიგო, რაც აქამდე არასდროს მომხდარა.
"წითელმა ეშმაკების" ზედიზედ 8 გასვლითი მატჩების სია ასე გამოიყურება: "კარდიფი" – პრემიერ ლიგა, "ნიუკასლი" – პრემიერ ლიგა, "ტოტენჰემი" – პრემიერ ლიგა, "ლესტერი" – პრემიერ ლიგა, "არსენალი" – ასოციაციის თასი, "ფულჰემი" – პრემიერ ლიგა, "ჩელსი"– ასოციაციის თასი და "კრისტალ პალასი" – პრემიერ ლიგა.