"მანჩესტერ იუნაიტედის" ესპანელი ნახევარმცველი ხუან მატა, შესაძლოა კლუბში კიდევ რამოდენიმე წლით დარჩეს. მხარეები, ახალი კონტრაქტის თაობაზე მოლაპარაკების წარმატებით დასრულებასთან ძალიან ახლოს არიან. იუწყება The Sun.
აღნიშნული წყაროს ცნობით, ეს საკითხი პრაქტიკულად გადაწყვეტილია, შესათანხმებელია მხოლოდ მცირე დეტალები. ახალი ხელშეკრულების თანახმად მატა ყოვლკვირეულად ხელფასის სახით 200 ათას ევროს მიღებს, რაც წელიწადში 10,5 მილიონ ევროს უდრის.
აღსანიშნავია ის ფაქტიც, რომ ესპანელთან კონტრაქტის გაგრძელების მთავარი ინიციატორი, კლუბის ამჟამინდელი თავკაცი ოლე გუნარ სოლსკიაერი გახლავთ.
მიმდინარე სეზონში მატას ანგარიშზე 27 შეხვედრაში 5 გოლი და 3 საგოლე გადაცემა ირიცხება. ამჟამინდელი ხელშეკრულება ესპანელს სეზონის დასრულებისთანავე ეწურება.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.