თბილისი:
მანჩესტერი:
26-02-2019, 22:38
ავტორი: GeorgeBest,
ნანახია: 1170,
კომენტარები: 6
პრევიუ: კრისტალ პალასი - იუნაიტედი
პრემიერ ლიგის 28-ე ტურის შეხვედრის პრევიუ.
პრევიუ: კრისტალ პალასი - იუნაიტედი
პრემიერ ლიგის 28-ე ტურში ოლე გუნარ სოლსკიაერის გუნდი "კრისტალ პალასს" დაუპირისპირდება. მატჩი სტარტს ხვალ, თბილსის დროით 23:59 წუთზე აიღებს.

გუნდების მდგომარეობა

"მანჩესტერ იუნაიტედი" მომავალ შეხვედრას დიდი დანაკლისით ხვდება. "ლივერპულთან" შეხვედრაში ისედაც ტრავმებთან დაკავშირებული პრობლემებით დამწყებ "იუნაიტედს" პირველივე ტაიმში ანდერ ერერა, ხუან მატა და ჯესი ლინგარდი დაზიანებების გამო გამოკლდა. გარდა ამისა, მოედანი იძულებით არ დაუტოვებია, მაგრამ მთელი შეხვედრა ტრავმირებულმა ჩაატარა მარკუს რეშფორდმა. ოლე გუნარმა ასევე დაადასტურა, რომ ფილ ჯონსი შეხვედრას ავადმყოფობის გამო გამოაკლდება. "წითელ ეშმაკებს" არ ყოლებათ ასევე ანტონიო ვალენსიაც, რომელიც ტრავმის გამო რამდენიმე კვირა ვერ ითამაშებს. მარსიალი, რომელმაც პსჟ-სთან მიიღო დაზიანება, ასევე არ იქნება ოლე გუნარის განკარგულებაში. ნორვეგიელის განცხადებით მატჩში შესაძლოა, "იუნაიტედის" აკადემიის სამი ფეხბურთელი: გომესი, ჩონგი და გარნერი ვიხილოთ.

"კრისტალ პალასი" "იუნაიტედს" რამდენიმე ფეხბურთელის დანაკლისით დაუხვდება. "არწივების" სამი მცველი: მარტინ კელი, მამადუ სახო და აარონ ვან-ბისაკა შეხვედრაში მონაწილეობას ვერ მიიღებენ. გუნდის ლაზარეთში ასევე უიკჰემი, სპერონი და სუარე იმყოფებიან.

გუნდების ფორმა

სოლსკიაერის მოსვლის შემდეგ, "მანჩესტერ იუნაიტედი" პრემიერ ლიგაში არ დამარცხებულა. 8 მოგება და 2 ფრე - ასეთია ნორვეგიელი სპეციალისტის მონაგარი. 27 ტურის შემდეგ "წითელი ეშმაკები" 52 ქულით მე-5 ადგილს იკავებენ და მეოთხეადგილოსან "არსენალს" ერთი ქულით ჩამორჩებიან. სოლსკიაერმა "იუნაიტედში" ყველა გასვლითი შეხვედრა მოიგო და კლუბის რეკორდი გაიმეორა, რომელიც გასვლით მატჩებში ზედიზედ 7 მოგებას ითვლის.

"კრისტალ პალასი" 30 ქულით მე-13 ადგილს იკავებს და მე-12 ადგილზე მყოფ "ლესტერს" 2 ქულით ჩამორჩება. აღსანიშნავია, რომ გასულ ტურში "არწივებმა" სწორედ "ლესტერის" დამარცხება შეძლეს. ბოლო 5 შეხვედრაში როი ჰოჯსონის გუნდს 2 მოგება, 2 ფრე და 1 წაგება აქვს.

პრევიუ: კრისტალ პალასი - იუნაიტედი


ურთიერთშეხვედრები

საერთო ჯამში "კრისტალ პალასი" და "იუნაიტედი" ერთმანეთს 54 შეხვედრაში დაუპირისპირდნენ. "წითელი ეშმაკებმა" 36 მატჩის მოგება შეძლეს, 11 ფრედ დაასრულეს და მეტოქესთან 7-ჯერ დამარცხდნენ.

პრემიერ ლიგის ეგიდით ჩატარებულ შეხვედრებში გუნდები ერთმანეთს 19-ჯერ დაუპირისპირდნენ. "იუნაიტედის" ანგარიძე 15 მოგება და 4 ფრეა. პრემიერ ლიგის 9 გასვლით მატჩში, "იუნაიტედმა" "კრისტალ პალასის" დამარცხება 6 შეხვედრაში შეძლო.

პრევიუ: კრისტალ პალასი - იუნაიტედი


ფაქტები

⚽ პრემიერ ლიგის ეგიდით ჩატარებულ შეხვედრებში, "კრისტალ პალასს" "იუნაიტედი" არასდროს დაუმარცხებია.

⚽ პრემიერ ლიგის ეგიდით ჩატარებულ ბოლო ხუთ შეხვედრაში, "იუნაიტედმა" "კრისტალ პალასი" ოთხჯერ დაამარცხა და თითოეულში მინიმუმ 2 გოლს გატანა მოახერხა.

⚽ გუნდების ბოლო დაპირისპირება "ოლდ ტრაფორდზე" შედგა, რომელშიც უგოლო ფრე დაფიქსირდა.

⚽ "იუნაიტედი" "კრისტალ პალასთან" ბოლოს 2011/12 წლის სეზონში, ინგლისის ლიგის თასის შეხვედრაში დამარცხდა.

⚽ "იუნაიტედმა" "კრისტალ პალასთან" ბოლო 4 გასვლით შეხვედრაში მხოლოდ ერთხელ მოახერხა კარის მშრალად შენახვა.


ექსპერტის პროგნოზი: კრისტალ პალასი 2-1 იუნაიტედი

პოლ მერსონ: "იუნაიტედს" ბევრი ტრავმირებული ფეხბურთელი ჰყავს. "პალასმა" კი საოცარი შედეგი აჩვენა "ლესტერთან". ვფიქრობ, რომ ამ მატჩში გამარჯვებას "პალასი" მოიპოვებს და ყველასთვის მოულოდნელად "იუნაიტედსა" და ოთხეულს შორის სხვაობა ოთხი ქულა გახდება. ძალიან მინდა, რომ ჩემი ხმა "იუნაიტედს" მივცე, მაგრამ მათ ძალიან ბევრი ტრავმა აქვთ და ძალიან ბევრი მნიშვნელოვანი ფეხბურთელი აკლიათ. "იუნაიტედისთვის" ცუდი დრო დადგა."

მთავარი მსაჯი

შეხვედრას მარტინ ატკინსონი განსჯის. პრემიერ ლიგის მიმდინარე სეზონში ინგლისელმა 21 შეხვედრაში იმსაჯა, სადაც ფეხბურთელებს 68 ყვითელი და ერთი წითელი ბარათი უჩვენა. ატკინსონის ანგარიშზე მიმდინარე სეზონში დანიშნული 5 თერთმეტმეტრიანია. 47 წლის არბიტრი ამ სეზონში "იუნაიტედის" მეორე შეხვედრას განსჯის, პირველ მატჩში მან "ენფილდზე" იმსაჯა, სადაც მანჩესტერელები "ლივერპულმა" 3-1 დაამარცხა.
მატჩის წინ
6 კომენტარი
№1
ავტორი: ikeoni
27 თებერვალი 2019 00:54
  • სიახლეები: 0
  • კომენტარები: 7720
Rtuli tamashi magram mosagebi miuxedavad yvelafris❤️
1
№2
ავტორი: LASHQARA
27 თებერვალი 2019 11:32
  • სიახლეები: 0
  • კომენტარები: 1565
უხვგოლიან შეხვედრას ველოდები, ფრედი ძირითადში უნდა იყოს, გამოიცადოს ბოლო ბოლო ეს კაცი, თან ამ ტრამვების ფონზე სხვა უკეთს ალტერნატივას ვერც ვხედავ. love am
0
№3
ავტორი: 100%Red
27 თებერვალი 2019 12:20
  • სიახლეები: 0
  • კომენტარები: 345
შეიძლება ლივერპულზე რთული თამაში აღმოჩნდეს, რავიიმედია ტყუილად არ გადამათენებინებენ)
დე ხეაზე დაიწერა 20 მილიონს აძლევენ წელიწადში და მაინც არ ახანგრძლივებსოოო recourse გეგვექცევა ვითამ????
0
№4
ავტორი: SANDROGRIGA
27 თებერვალი 2019 13:31
  • სიახლეები: 1
  • კომენტარები: 7795
ვნახოთ როგორი შემასგენლობა გამოვა
0
№5
ავტორი: რეალისტი
27 თებერვალი 2019 14:28
  • სიახლეები: 0
  • კომენტარები: 164
ძალიან რთული მატჩი გველის აი ძალიან. ამ პალასმა უამრავ გრანდს დაკარგვინა ქულები პრემიერლიგაში, მათ შორის სიტისაც. თან გასვლა თან ბევრი ტრავმები, ეს ყველაფერი აისახება რათქმაუნდა მატჩზე. ძალიან სახიფათოები არიან კონტრშსტევაზე. განსაკუთრებით ზაჰას უნდა მიაქციონ ყურადღება.
0
_ _ _ _ _ _ _ _ _ _ _ _ _ _ _ _ _ _ _ _ "დამარცხება აუცილებლად უნდა გამოსცადო, რათა მან წარმატებისკენ გზა დაგანახოს". - უეინ რუნი.
№6
ავტორი: shotkin
27 თებერვალი 2019 17:14
  • სიახლეები: 0
  • კომენტარები: 2639
ციტატა: LASHQARA
უხვგოლიან შეხვედრას ველოდები, ფრედი ძირითადში უნდა იყოს, გამოიცადოს ბოლო ბოლო ეს კაცი, თან ამ ტრამვების ფონზე სხვა უკეთს ალტერნატივას ვერც ვხედავ. love am

უხვგოლიანი არამგონი იყოს, არ გარისკავს მანჩესტერი და თავქუდმოგლეჯილი არ შეუევს წინ უფრო დაცვიდან ითამაშებენ
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

24 აგვისტო 2019, 18:00
იუნაიტედი
კრისტალ პალასი
პრემიერ ლიგა
31 აგვისტო 2019, 15:30
საუთჰემპტონი
იუნაიტედი
პრემიერ ლიგა
14 სექტემბერი 2019, 18:00
იუნაიტედი
ლესტერი
პრემიერ ლიგა
კრისტალ პალასი24 აგვისტო
საუთჰემპტონი31 აგვისტო
ლესტერი14 სექტემბერი

შემოგვიერთდი

წინა მატჩები

19 აგვისტო 2019, 23:00
ვულვზი1
იუნაიტედი1
პრემიერ ლიგა
11 აგვისტო 2019, 19:30
იუნაიტედი4
ჩელსი0
პრემიერ ლიგა
3 აგვისტო 2019, 20:30
იუნაიტედი2
მილანი2
საერთაშორისო ჩემპიონთა თასი
ვულვზი19 აგვისტო
ჩელსი11 აგვისტო
მილანი3 აგვისტო

პრემიერ ლიგა

ჩამოშლა
ვიდეო პორტალი
ყველა უფლება დაცულია

© MANUTD.GE 2012

Top