ჟოზე მოურინიომ "იუნაიტედი" "ლივერპულთან" მატჩის შემდეგ დატოვა. შეგახსენებთ, რომ პორტუგალიელმა ბოლო მატჩი 3-1 ანგარიშით წააგო. როგორც მოურინიომ განაცხადა, ის ფეხბურთში დაბრუნებას გეგმავს, მაგრამ ჯერჯერობით შემოთავაზებები არ მოეწონა, რადგან ის ეძებს კლუბს, სადაც შიდა კონფლიქტს ადგილი არ ექნება.
"მე არ მინდა შიდა კონფლიქტი, მე მინდა ერთიანობა. მინდა, რომ იმ კლუბში ვიმუშავო, რომელსაც ძალიან კარგად ესმის სტრუქტურის ადგილი და მნიშვნელობა. ჩემი კარიერის განმავლობაში თითქმის ყველანაირ გარემოებებში მიმუშავია და გეტყვით, რომ ყველაზე დიდ წარმატებას იქ კი არ აღწევთ, სადაც კარგი სტრუქტურაა, არამედ სადაც სტრუქტურაში ერთიანობა იკვეთება."
"ჩემი შემდეგი გაჩერება იქნება კლუბი, რომელიც უკვე არ არის მზად ტიტულის მოსაგებად, მაგრამ აქვს ამბიცია, რომ გახდეს ტიტულისთვის ღირსეულად მებრძოლი კლუბი."
"თუ შემოთავაზებაში მექნება კლუბი, რომელსაც არანაირი ამბიცია არ გააჩნია, არ წავიდოდი. მე ახლახანს ერთ შემოთავაზებაზე უარი ვთქვი, რადგან მე მაღალი კლასის ფეხბურთი მსურს და ამბიციები აქ ძალიან მნიშვნელოვანია."
"ეს ჩემი მეორე მოთხოვნაა, პირველი მოთხოვნა კი სტრუქტურის ერთიანობაა. მსურს, რომ ვიმუშავო ხალხთან, რომლებიც მიყვარს, ხალხთან, რომლებთან მუშაობითაც ბედნიერი ვიქნები, რომლებთან ერთადაც იდეებს გავიზიარებ."
"სწორედ ეს მქონდა "ინტერში". არსებობს ასეთი კლუბები. ვფიქრობ, რომ ეს ძალიან მნიშვნელოვანი კომპონენტია წარმატებული კლუბისთვის."