პრემიერ ლიგის 27-ე ტურში, ოთხეულისთვის მებრძოლი "მანჩესტერ იუნაიტედი" იურგენ კლოპის "ლივერპულს" დაუპირისპირდა, რომელიც მიმდინარე სეზონში ინგლისის ჩემპიონატის მოგების ერთ-ერთი მთავარი პრეტენდენტია.
შეხვედრა ნულოვანი ფრით დასრულდა. "წითელ ეშმაკებმა" შეძლეს და პრინციპულ მეტოქეს საჩემპიონო რბოლაში ქულები დააკარგვინეს და ეს ყველაფერი იმ ფონზე, რომ ოლე გუნარ სოლსკიაერს ტრავმების გამო, შეხვედრაში სამივე ცვლილების გამოყენება პირველ ტაიმშივე დასჭირდა.
აღნიშნული ტური მომდევნო წარმატებული რეკორდის მომტანი აღმოჩნდა "იუნაიტედის" ნორვეგიელი სპეციალისთისთვის. კერძოდ, "მკვლელი ბავშვის სახით" გახდა პირველი სპეციალისტი, რომელმაც პრემიერ ლიგაში დებიუტიდან 10 შეხვედრაში არ წააგო. მსგავსი რამ არასდროს არავის არ გაუკეთებია.
ოლე გუნარის ანგარიშზე 10 ჩატარებული მატჩია. აქედან 8-ში მან გამარჯვების მოპოვება მოახერხა, ხოლო 2-ში მეტოქესთან ერთად ქულები გაიყო.