თუ ინგლისის თასის მატჩს დე ხეა სიამაყით ადევნებდა თვალს სათადარიგოთა სკამიდან, "ლივერპულს" კარში მდგომი დახვდება და ყველანაირად ეცდება კარის მშრალად შენარჩუნებას. "ეს უდიდესი მატჩია ინგლისში. ეს ძალიან მნიშვნელოვანი და განსაკუთრებული თამაშია გულშემატკივრებისთვის, კლუბისა და ფეხბურთელებისთვის და როცა ეს მატჩი "ოლდ ტრაფორდზე" იმართება ის კიდევ უფრო განსაკუთრებული ხდება. ეს უბრალოდ დიდებული და საოცარი თამაშია."
"ჩვენ ყველანაირად ვეცდებით, რომ სიამოვნება მივიღოთ და, რა თქმა უნდა, ჩვენი მიზანია, რომ დამაჯერებელი გამარჯვება მოვიპოვოთ!"
"როდესაც ესპანეთში ვიყავი, ყოველთვის მესმოდა ხმები ამ უდიდესი მატჩის შესახებ. ეს ინგლისში უდიდესი დაპირისპირება იყო, არის და იქნება. ეს ორი უდიდესი კლუბია და ყოველი მათ შორის გამართული მატჩი გადარჩენისთვის ბრძოლას ემსგავსება."
"რამდენიმე მატჩი მითამაშია მათ წინააღმდეგ, ასე რომ ვერ გეტყვით, რომელი იყო განსაკუთრებული ჩემთვის. ალბათ, მაინც 2014 წლის 14 დეკემბრის მატჩს გამოვარჩევდი, სადაც ისინი "ოლდ ტრაფორდზე" 3-0 ანგარიშით დავამარცხეთ. ძალიან კარგი გამოცდილება იყო და ნებისმიერი მატჩი, რომელსაც მათთან ვითამაშებთ განსაკუთრებული და გამორჩეულია."
"არ აქვს მნიშვნელობა, თუ რისთვის იბრძვიან მოცემული მომენტისთვის კლუბები. თითოეული მატჩი მაინც განსხვავებულად გამორჩეული და უნიკალურია. ორივე გუნდი განსხვავებული მიზნებისთვის იბრძვის, მაგრამ ჩვენ სახლში ვართ და გამარჯვება გვინდა, ძალიან გვინდა შემდეგ სეზონში ჩემპიონთა ლიგაზე თამაშიც."