"მანჩესტერ იუნაიტედის" მენეჯერის ოლე გუნარ სოლსკიაერის განცხადებით, პოლ პოგბას მსგავსი კლასი არავის არ გააჩნია. ჟურნალისტებმა პრესკონფერენციის დროს ახსენებს, რომ ფრანგმა წინა მატჩი "ლივერპულის" წინააღმდეგ არ ჩაატარა, რაზეც შემდეგი პასუხი მიიღეს:

"ახლა აუცილებლად ითამაშებს! ის ტოპ კლასის ფეხბურთელია, რომელიც ყოველთვის მომწონდა, მაშინაც კი როცა ჯერ კიდევ ბავშვი იყო."

"მან მსოფლიო ჩემპიონატიც მოიგო, გასახდელში ყოველთვის ლიდერია, ისევე როგორც მოედანზე. სულ სურს, რომ ბურთს ფლობდეს."

"ჩემი მთელი იდეა ყოველთვის მისი შესაძლებლობების მაქსიმალურად გამოყენება იყო. ვფიქრობდი, რომ ის შემტევი ნახევარმცველია."

"თქვენ ყველამ დაინახეთ, რომ პსჟ-ს მთელი კონცენტრაცია პოგბასკენ იყო მიმართული. სხვა გუნდებიც ასე მოიქცევიან. არ ვიცი რას იზამს "ლივერპული". თუ ასე იზამენ, შესაძლოა, რომ სივრცეები სხვა ფეხბურთელებს დარჩეთ - ამისთვის მზად უნდა ვიყოთ."

"სხვადასხვა დონის ნახევარმცველები არსებობენ, მაგრამ ამ გადმოსახედიდან, არ მგონია, რომ ვინმე პოგბას მსგავსია. მას საოცარი ფიზიკური შესაძლებლობები აქვს, გოლების გატანა შეუძლია, მისი ტექნიკა საოცარია."

"საოცარ პასებსაც აკეთებს, როცა ნახევარდაცვის ცენტრში უწევს ყოფნა - არ ვფიქრობ, რომ ეს მისი საუკეთესო პოზიციაა, მაგრამ ესეც შეუძლია."

"მარკუსი და პოგბა ორივე ძალიან ახალგაზრდები არიან და დარწმუნებული ვარ, რომ აქ ძალიან ბევრი წელი დარჩებიან."

"მაგრამ ნემანია და ანდერი ძალიან ეხმარებიან პოგბას. შეუძლებელია, რომ 11 რონალდუ ან მესი გამოიყვანო მოედანზე და იფიქრო, რომ მატჩს აუცილებლად მოიგებ."

"აუცილებელია, რომ ფეხბურთელები ერთმანეთს ავსებდნენ. ვფიქრობ, აქამდე ძალიან კარგი ბალანსი გვაქვს ნაპოვნი."

"არ შემიძლია არ აღვნიშნო, რომ ერერა მოედნის ყველა ნაწილში შეგიძლიათ ნახოთ. ის ყველგანაა, სადაც საჭიროა. მაგალითად "ჩელსის" წინააღმდეგ, ის უბრალოდ საოცარი იყო."

"ჩვენთვის ვისხედით და ვფიქრობდით, როგორ ახერხებს ამას? როგორ შეძლო მარცხენა ფრთაზე აღმოჩენა? ვიდეო უნდა ვიხილოთ!"

"მას ძალიან დიდი ვნება, ენერგია და ენთუზიაზმი აქვს. ის ყველას ავსებს პოზიტივით, ყველას მატებს მოტივაციას და არც მიკვირს, რადგან "ბილბაოს" სკოლის გაზრდილია."

"მას შეუძლია დარჩეს მოედნის ცენტრში, ან ირბინოს მთლიან მოედანზე, არჩევანი კი ფართო გვაქვს. როგორც გადავწყვეტთ, ისე დაეხმარება გუნდს."


წყარო: SkySports.com