სოლსკიაერმა დღეს პრესკონფერენცია გამართა, სადაც ჟურნალისტებმა უამრავი კითხვა დაუსვეს. ერთ-ერთა ჟურნალისტმა ჰკითხე ხომ არ აპირებდა სოლსკიაერი ფერგიუსონის მეთოდების გამოყენებას "ლივერპულთან" მატჩისთვის და ასევე ხომ არ შეცვლიდა მეთოდებს კლოპის პრესკონფერენციის შემდეგ, რაზეც ჟურნალისტებმა შემდეგი პასუხი მიიღეს:

"არა, არამგონია, რომ კლოპი წაიკითხავს იმას, რასაც ვამბობ და არც მე ვაპირებ მისი პრესკონფერენციის წაკითხვას. ეს ძალიან ჩვეულებრივი მოვლენაა."

"რაც შეეხება ფერგიუსონს, ძალიან გამიხარდება, თუ ფეხბურთელებს მატჩის წინ ეწვევა, რა თქმა უნდა, თუ მას სურს. რადგან ყველამ ვიცით, რას ნიშნავდა მისთვის "ლივერპულის" დამარცხება."

"ვფიქრობ, ჩვენმა ფეხბურთელებმა ძალიან კარგად იციან, თუ რას ნიშნავს ეს გამარჯვება მთლიანად "მანჩესტერ იუნაიტედისთვის."

"რამდენიმე მატჩი მე თავად მითამაშია და ვიცი, რა განწყობა ტრიალებს ამ დროს ჩვენში, გულშემატკივრებში, ყველაში ვინც აქ მუშაობს."

"ყველა კომენტარს აკეთებს ამ მატჩის შესახებ, "ეს დიდებული მატჩია", "შემდეგი თამაში ნამდვილი გამოცდაა" და ა.შ. მაგრამ ჩვენ აუცილებლად უნდა მოვახდინოთ მთელი კონცენტრირება იმაზე, თუ რაც მოხდება კვირას, თუ როგორ უნდა ვითამაშოთ, თუ როგორ უნდა ვიბრძოლოთ."

"ეს მხოლოდ ემოციებზე არაა. მესმის, რომ ემოცია ამ ყველაფერს თან ახლავს, მაგრამ ჩვენ მაქსიმალურად ფოკუსირებულნი უნდა ვიყოთ და თამაში ვაკონტროლოთ, ასევე ძალიან ბევრი უნდა ვიბრძოლოთ და ყველაფერი გავაკეთოთ იმისთვის, რომ გავიმარჯვოთ."


წყარო: SkySports