ოლე გუნარმა დაადასტურა, რომ ჯესი ლინგარდსა და ენტონი მარსიალს "ლივერპულთან" დაბრუნების შანსი აქვთ.
როგორც მოგეხსენებათ, დუეტი "იუნაიტედს" პსჟ-სთან მარცხის შემდეგ გამოაკლდა. ოლე გუნარ სოლსკიაერმა პრესკონფერენციამდე MUTV-ის ინტერვიუ მისცა, სადაც აღნიშნა, რომ შესაძლებელია, დუეტი "ოლდ ტრაფორდზე" "ლივერპულისთვის" დაბრუნდეს. "მე ვფიქრობ და ვიმედოვნებ, რომ ენტონი მზად იქნება და ვიმედოვნებ ასევე ჯესიზეც. სხვადასხვა მდგომარეობაა, სხვადასხვა ტრავმით."
"უფრო მეტად, მგონია, რომ ენტონი შეძლებს დაბრუნებას, ტრავმის სიმძიმის მხრივ მას მეტი შანსი აქვს. თუმცა ჯესიზე იმედები ჯერ კიდევ არ დაგვიკარგავს. ვნახოთ, ჯერ კიდევ გვაქვს დრო სავარჯიშოდ და თუ თამაშს შეძლებენ, ვარჯიშებიც აუცილებლად უნდა ჩაატარონ. ვნახოთ, ამის მეტს წინასწარ ვერაფერს გეტყვით."