ოლე გუნარ სოლსკიაერს სჯერა, რომ მის გუნდს კიდევ შესწევს გამარჯვების ძალა, მიუხედავად იმისა, რომ ჯესი ლინგარდი და ენტონი მარსიალი არ იქნებიან. "ყველაფერი იცვლება, როცა ტრავმებს იღებ, მაგრამ ეს არ ნიშნავს, რომ ეს ყველაფერი ჩვენი თამაშის ხარისხზე დიდ გავლენას მოახდენს. ჩვენ "არსენალის" დამარცხება რეშისა და ენტონის გარეშე შევძელით. ახლა ენტონი და ჯესი არ გვეყოლება, ამიტომაც დარწმუნებული ვარ, რომ რამეს მოვახერხებთ."
"სანჩესი მარტივად იგებს ბურთს, ძალიან დიდი ენერგიულობით გამოირჩევა და თუ მოახერხებს გოლის გატანას, იმედი მაქვს, რომ მეტი თავდაჯერებულობით იქნება."
"აქ უკვე ორი თვე გავატარე. პირველი ნახევრის განმავლობაში ის ტრავმირებული იყო. ტრავმების შემდეგ დაბრუნება ყოველთვის რთულია, ასე რომ ძალიან დიდი უსამართლობა იქნება, თუ მისგან ისევ იმ სიმაღლეზე ყოფნას მოელით ამ მოკლე დროში. დარწმუნებული ვარ, რომ სეზონის ბოლომდე ის თავისი ფორმის პიკს დაუბრუნდება."
"რაც შეეხება რომელუს, ის ჩვენ ჯესისა და ენტონისგან განსხვავებულ რაღაცას გვთავაზობს, ასე რომ არ იდარდოთ მასზე. მან მანამდეც დიდი შთაბეჭდილება მოახდინა ჩემზე. ინგლისის თასზე ძალიან კარგად ითამაშა, ასე რომ ვნახოთ თუ რა მოხდება."
"ახალგაზრდა ფეხბურთელებს ყოველთვის შეუძლიათ შენი გაოცება დიდ თამაშებში. მაგრამ შესაძლოა, რომ მათი მატჩებში ჩართვა ერთი ნაბიჯით ადრე ან ერთი ნაბიჯით გვიან აღმოჩნდეს. ჩვენ უბრალოდ კარგად უნდა დავაკვირდეთ მათ მდგომარეობას და გადავწყვიტოთ, თუ ვინ უნდა ითამაშოს "ჩელსისთან". მხოლოდ ამის თქმა შემიძლია," - დაასრულა სოლსკიაერმა.