ჩემპიონთა ლიგის მერვედფინალური დაპირისპირება, "მანჩესტერ იუნაიტედსა" და პარიზულ "პარი სენ ჟერმენს" შორის, განსაკუთრებულად უიღბლო, "წითელი ეშმაკების" ორი ფეხბურთელისთვის, ენტონი მარსიალისა და ჯესი ლინგარდისთვის აღმოჩნდა.

ოლე გუნარ სოლსკიაერის შემტევებმა მოედანი ნაადრევად დატოვეს და მას შემდეგ კლუბის ლაზარეთში იმყოფებიან. გავრცელდა ინფორმაციებიც, რომ თითქოს ფეხბურთელები, პრემიერ ლიგის მნიშვნელოვან დაპირისპირებას, პრინციპული მეტოქის "ლივერპულის" წინააღმდეგ გამოტოვებდნენ, თუმცა დღეს, მათ შესახებ, გულშემატკივრებისთვის სასიამოვნო ინფორმაცია ვრცელდება.

The Sun - ის მიერ გავრცელებული ინფორმაციით, ფრანგი და ინგლისელი, პრემიერ ლიგის 27 - ე ტურის დაპირისპირებაში, "ოლდ ტრაფორდზე" მერსისაიდულ გუნდს შეუტევენ. როგორც ჩანს ტრავმები სერიოზული არ აღმოჩნდა.

შეხვედრა, პრემიერ ლიგის ეგიდით 24 - თებერვალს თბილისის დროით 18:05 სთ - ზე აიღებს სტარტს.