დარჩება თუ არა ოლე გუნარ სოლსკიაერი კლუბში ეს ჯერჯერობით უცნობია, თუმცა კლუბის ლეგენდა პოლ სქოულზი თავის მეგობარზე ფიქრობს, რომ ის შანსს იმსახურებს. "მე მისი მუშაობა ძალიან მომწონს. ჯერჯერობით ყველაფერს შესანიშნავად ართმევს თავს და არანაირი პრეტენზია არ მაქვს მასთან."
"ვიცი, რომ მის მომავალზე ძალიან ბევრი დაიწერება და ძალიან ბევრი კითხვაც დაისმევა, რადგან მან პსჟ-სთან წააგო. ეს შესაძლოა, რომ მსოფლიოში ყველაზე გამოცდილ მწრთვნელსაც მოსვლოდა, რადგან პსჟ უმაღლესი დონის კლუბია."
"ვფიქრობ, რომ მან საოცრებები გააკეთა, ძალიან კარგად ათამაშა გუნდი და ამ ყველაფრის გამო შანსს იმსახურებ."
"ყოველთვის ვიცოდი, რომ ამ შემადგენლობის მიღმა საოცარი ნიჭი იმალებოდა და ვფიქრობ, ეს ყველამ იცოდა. ოლე ღიმილიანი სახით მივიდა, ბიჭებს მკლავები მოხვია და დაანახა, თუ რამდენი პოტენციალი აქვს თითოეულ მათგანს. მან ფეხბურთელებს თავისუფლება მისცა და შედეგი ყველამ ძალიან კარგად დაინახეთ."
"ოლეს ძალიან ენდომება "იუნაიტედის" მწრთვნელის რანგში რაიმეს მოგება. ინგლისის თასი კი იდეალური გამოსავალია, ვფიქრობ, პსჟ-სთან წაგების შემდეგ "იუნაიტედისთის" ეს ტიტული საუკეთესო გამოსავალია."
"ჩელსი" ძალიან დიდ გასაჭირშია. შეძლებენ დაბრუნებას? არ ვიცი, მაგრამ ოლეს მათთან გამკლავება მოუწევს."
"ისინი იმედგაცრუებულები იქნებიან. რასაც ახლა ვკითხულობ ის საერთოდ არ მიქმნის იმის წარმოდგენას, რომ მათთან ბედნიერი გარემო სუფევს. ასე რომ, იმედი მაქვს, რომ "იუნაიტედი" ამას თავის სასარგებლოდ გამოიყენებს," - დაასრულა პოლ სქოულზმა.