ალექსის სანჩესს თავისი კარგი ფორმის ჩვენება სურს. "არსენალიდან" გადასვლის შემდეგ ჩილელს ძველი ფორმის დაბრუნება ძალიან გაუჭირდა. ალექსის სანჩესის განცხადებით ეს ყველაფერი მას ძალიან ამწუხრებს.
"ოლე მე არ დამლაპარკებია და არც იმაზე გვისაუბრია, თუ რა უნდა გავაკეთო მოედანზე, მაგრამ ვფიქრობ, რომ გამოცდილი ფეხბურთელი ვარ და თავადაც კარგად ვიცი რა უნდა გავაკეთო და რა არ უნდა გავაკეთო."
"თუ ბურთთან ხშირი შეხება არ მაქვს ბრწყინვალებას ვკარგავ, ვკარგავ მონდომებასაც, ხანდახან მსურს, რომ ყველა მატჩი ჩავატარო. ხან მოედანზე ვარ, ხანაც მოედნის მიღმა, მე კი თამაშს მიჩვეული ვარ."
"მაგრამ თავს არ ვიმართლებ, თუნდაც მხოლოდ 10 ან 20 წუთი მომეცეს, მე ჩემი თავის საუკეთესო ვერსია უნდა ვიყო, რადგან სწორედ ამიტომ ვარ აქ."
"მინდა, რომ კლუბს მეტი მოვუტანო. ძალიან მაწუხებს ის ფაქტი, რომ ვერაფერს ვაკეთებ, რადგან მჯერა, რომ ჩემი შესაძლებლობები არც თუ ისე ცუდია და მინდა, რომ ეს ხალხმა დაინახოს."
"არ ვიცი ისინი რას ფიქრობენ ჩემზე, მაგრამ ფეხბურთი არის ის, რაც ბავშვობიდანვე მიყვარდა და ეს ჩემი მისწრაფებაა."