პოლ მერსონმა ალექსის სანჩესის ფორმაზე ისაუბრა. მისი აზრით, ჩილელმა "იუნაიტედში" გადმოსვლის შემდეგ თავდაჯერებულობა დაკარგა.
მერსონის განცხადებით, "არსენალში" მოთამაშე ალექსისისგან მხოლოდ ჩრდილიღაა დარჩენილი. სანჩესმა "ოლდ ტრაფორდზე" გადმოსვლის შემდეგ მხოლოდ ორი გოლის გატანა მოახერხა.
ოლე გუნარის მოსვლის შემდეგაც კი სანჩესი ნორვეგიელის პირველ არჩევანში ვერ აღმოჩნდა. 30 წლის ფორვარდი მარკუს რეშფორდის, ჯესი ლინგარდისა და ენტონი მარსიალის შემდეგ დგას. "ვიმედოვნებ, რომ ძველ სანჩესს ვიხილავთ, მაგრამ ვეღარც თავდაჯერებულობას ვხედავ და ვეღარც ჟინს მის თვალებში."
"როდესაც ალექსის სანჩესს მიხსენებდით, პირველი რაც თავში მომდიოდა მისი დაუღალავი შრომა და მუდმივად გოლების გატანის წყურვილი იყო."
"ვფიქრობ, ის ზუსტად ისეთივე დატვირთვით თამაშობს, როგორც ყველა, მაგრამ იმ წყურვილს ვეღარ ვხედავ მასში. ეს სირცხვილია და ეს საწყენია, რადგან ის ძალიან, ძალიან კარგი იყო."
"ვფიქრობ, ეს ხალხისთვისაც მტკივნეული საყურებელია. ყველა განიცდის მის ასეთ ფორმაში ხილვას. ის ნამდვილი მებრძოლი იყო, რომელსაც ტალანტი არ აკლდა. შეიძლება, მან რამდენიმე კარგი მატჩი ჩაატაროს, მაგრამ ისეთივე სტაბილური აღარ არის და არც ისეთივე დიდებული, როგორცი წარსულიდან გვახსოვს," - დაასრულა მერსონმა.