"მანჩესტერ იუნაიტედი" ინგლისის თასის მეხუთე ტურში "ჩელსის" დაუპირისპირდება. ძოლას განცხადებით, "ჩელსის" "სიტისთან" წაგების შემდეგ რწმენა არ დაუკარგავს და ამ სეზონში ბრძოლას განაგრძობენ: "არავის არ სიამოვნებს თამაშის წაგება, თანაც ამხელა ანგარიშით. არც ფეხბურთელებს, არც მწრთვნელს, არც ხელმძღვანელობას."
"ჩვენ ამ მომენტში კარგი მატჩიდან ცუდზე გადავდივართ, მერე ისევ კარგზე და ასე მუდმივად. ეს არ მოგვწონს."
"ჩვენ სტაბილურები უნდა ვიყოთ და ეს ძალიან კარგად ვიცით. ასევე ისიც გაგვეგება, რომ ძალიან მნიშვნელოვანია ყველამ გაიგოს რა სიტუაცია გვაქვს და ეს ასეც არის. ყველა მუშაობს შეცდომების გამოსწორებაზე: მწრთვნელები, ფეხბურთელები და კლუბი."
"ვიცით, რომ "იუნაიტედთან" რთული მატჩი გველის. ეს ძალიან მნიშვნელოვანი თამაში იქნება. ორშაბათს ერთ-ერთ ყველაზე დიდ გამოწვევასთან მოგვიწვს დაპირისპირება და ძალიან მნიშვნელოვანია, რომ ამ გამოწვევას სათანადოდ ვუპასუხოთ."
"ყველა დავალებაზე ცალ-ცალკე მოგვიწევს ფიქრი და მუშაობა. პირველი დავალება "იუნაიტედია", რაზეც ბევრი მუშაობა მოგვიწევს. აუცილებელია, რომ კარგი მატჩი ვაჩვენოთ. შემდეგ ევროპის ლიგა მოდის. ეს ყველაზე მნიშვნელოვანია. შემდგომ შეიძლება "სიტისა" და "ტოტენჰემზე" ფიქრი."