"წითელი ეშმაკების" ყოფილმა ფეხბურთელმა, ბრაზილიელმა რაფაელმა განაცხადა, რომ თუ პარიზში "იუნაიიტედი" თავის ფეხბურთს ითამაშებს, ისინი ამ რაუნდის გადალახვას შეძლებენ.
რაფაელი ინგლისური გრანდის ღირსებას 2008 - წლიდან 2015 - წლამდე იცავდა და კლუბი გულშემატკივრების მხრიდან დღემდე დიდი სიმპათიებით სარგებლობს. "ოლდ ტრაფორდზე" ის ყოველთვის უყვარდათ და უყვართ.
საფრანგეთის ჩემპიონატის ეგიდით გამართულ შეხვედრაში, რომელიც 4 - თებერვალს გაიმართა, რაფაელის "ლიონმა" ტომას ტუხელის გუნდს 2-1 სძლია, სწორედ ამ ფაქტს გაუსვა ხაზი ბრაზილიელმა და "წითელ ეშმაკებს" მიანიშნა, რომ ამის გაკეთება მათაც შეუძლიათ.
"ჩვენ მათ 2-1 მოვუგეთ, ამის გაკეთება თქვენც შეგიძლიათ. თუ "იუნაიტედი" თავისი ფეხბურთის თამაშს შეძლებს ისინი ამ ბარიერს აუცილებლად დაძლევენ. "პსჟ" - ესთან მატჩი გადატანილი ოპერაციის გამო ვერ შევძელი, იმედია მოედანზე მალე დავბრუნდები.
"იუნაიტედის" წინააღმდეგ მათ მატჩს თვალყური ვადევნე, ისინი დაუმარცხებელი გუნდის შთაბეჭდილებას არ ტოვებენ. საფრანგეთში მათზე ცუდის თქმა ნამდვილად არავის შეუძლია, რადგან მათ ფანტასტიკური შემადგენლობა ჰყავთ. თუმცა კარგი პერიოდი ნამდვილად არ უდგათ, მათთვის პრობლემას ადრიენ რაბიო წარმოადგენს, რადგან მას ზაფხულში წასვლა სურს, რაბიო მათთვის მნიშვნელოვანი ფეხბურთელია. ნეიმარი ტრავმირებულია.
"იუნაიტედის" შემთხვევაში ყვლაფერი სხვაგვარადაა, მათ შესანიშნავი პერიოდი უდგათ, ბოლო დროს მათ ბევრი მატჩი მოიგეს, ისინი კარგ ფორმაში იმყოფებიან. ვფიქრობ, რომ გულშემატკივრებისთვის ძალიან საინტერესო მატჩი გაიმართება.
"ლიონი" შთამბეჭდავი ქალაქია, კლუბიც ამავდროულად შესანიშნავი. ჩემი ცხოვრებით სიამოვნებას ვიღებ, აქ სამნახევარი წელიწადია ვიმყოფები, თუმცა "მანჩესტერ იუნაიტედი" ისევ ძალიან მიყვარს. "იუნაიტედის" გულშემატკივრები სოციალურ ქსელში ხშირად მწერენ მესიჯებს, ეს ძალიან მახარებს.
რა თქმა უნდა ეს კლუბი ჩემთვის ძალიან ბევრს წარმოადგენს. ჩვენ მოგვწონს მოწოდება: "ერთხელ წითელი - ყოველთვის წითელი" და მე რ თქმა უნდა ყოველთვის "წითელი" ვიქნები. ამ კლუბმა ყველაფერი მომცა. იქ მე ტიტულები მოვიგე, ეს ჩემი ცხოვრების დაუვიწყარი ნაწილია". - განაცხადა რაფაელმა United Review - სთვის მიცემულ ინტერვიუში.