"მანჩესტერ იუნაიტედის" ხელმძღვანელობა, მომავალ სატრანსფერო ფანჯარაზე, ოთხ შესაძლო ტრანსფერზე იმუშავებს. - იუწყება ისეთი ცნობილი გამოცემა როგორიცაა - Mirror.

"წითელ ეშმაკებს" დაცვისა და ნახევარდაცვის შესამჩნევად გაძლიერება სურთ. ზემოთ აღნიშნული წყაროს მტკიცებით, "ოლდ ტრაფორდზე" კარიერა, შესაძლოა შემდეგმა ფეხბურთელებმა განაგრძონ: "კალიდუ კულიბალი - ცენტრალური დაცვის ხაზის წარმომადგენელი, რომელმაც, ბოლო წლების სათამაშო ფორმით, გრანდების ყურადღება მიიქცია, ნეაპოლიტანელებს მის სანაცვლოდ კოლოსალური თანხის გამომუშავება შეუძლიათ.

2018 - წლის მუნდიალის ტრიუმფატორი ფეხბურთელი, მადრიდის "ატლეტიკოს" მარცხენა მცველი ლუკას ერნანდესი, რომელიც ასევე სახელდება ინგლისური გრანდის სამომავლო გეგმად.

სიაში შემდეგი, იტალიური "ფიორენტინას" მარჯვენა მცველი ნიკოლა მილენკოვიჩია. 21 - წლის ფეხბურთელი იმედისმომცემ მოთამაშედ ყალიბდება. სწორედ ამიტომ "წითლებს" მისი ხელიდან გაშვება არ სურთ.

რაც შეეხება მეოთხე ტრანსფერს, ვუდვორდი ტურინის "იუვენტუსის" ბრაზილიელი გარემარბის დუგლას კოშტას შეძენასაც ეცდება. ეს უკანასკნელი, მასიმილიანო ალეგრის გეგმებში ნაკლებად ჯდება".

ტრანსფერმარკეტის მიერ მოწოდებული ინფორმაციით, ოთხივე ფეხბურთელის სატრანსფერო ღირებულების ჯამი 210 მილიონ ევროს შეადგენს. როგორც ჩანს ინგლისის ყველაზე ტიტულოვან გუნდს წინ სერიოზული მიზნები აქვს.