დიდი ალბათობით, "პარი სენ ჟერმენის" ახალგაზრდა, ნიჭიერი ნახევარმცველი ადრიენ რაბიო, გუნდს ზაფხულის სატრანსფერო ფანჯრის გახსნისთანავე დატოვებს. როგორც უკვე მოგეხსენებათ ფხბურთელი ტომას ტუხელის გუნდიდან მოკვეთილია და სავარაუდოდ სეზონის დასრულებამდე მას უქმი დღეების გატარება მოუწევს.
ცნობილი გამოცემა Mirror - იუწყება, რომ რაბიოსთვის ოლე გუნარ სოლსკიაერის "მანჩესტერ იუნაიტედიც" იბრძოლებს. იინგლისელები ტრანსფერის რეალიზირებას ზაფხულში ეცდებიან. ტრანსფერის შემთხვევაში "წითლები" ფეხბურთელს უფასოდ გაიფორმებენ, ვინაიდან მისი კონტრაქტი პარიზულ კლუბთან სწორედ ზაფხულში იწურება. ადრიენი, მარუან ფელაინის შემცვლელად სახელდება, რომელმაც გუნდი სულ ცოტა ხნის წინ დატოვა და სათამაშოდ ჩინეთში გადაბარგდა.
შეგახსენებთ, რომ 23 - წლის ფრანგმა "პსჟ" - ეს მიერ შეთავაზებულ ახალ ხელშეკრულებაზე უარი განაცხადა, რის შემდეგაც ხელმძღვანელობის უკმაყოფილება დაიმსახურა და გუნდის დუბლ - შემადგენლობაში გადაინაცვლა.
ფეხბურთელის აგენტი მოლაპარაკებებს ესპანურ გრანდ "ბარსელონასთანაც" აწარმოებდა, თუმცა ამ უკანასკნელმა ჰოლანდიიდან ფრენკ დე იონგის გადაბირების შემდეგ, შესაძლო ტრანსფერზე უარი განაცხადა.
ნახევარმცველის მიმართ ინტერესს ისეთი კლუბები გამოხატავენ როგორიცაა: "ბაიერნი", "ტოტენჰემი", "ჩელსი" და "ლუივერპული". როგორც ჩანს "წითელ ეშმაკებს" ფხბურთელის გადაბირებისათვის სერიოზული კონკურენციის დაძლევა მოუწევთ.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.