მომდევნო კვირაში ინგლისის თასის მეხუთე ტური გაიმართება. "იუნაიტედი" ამჯერად "ჩელსის" ეწვევა. ოლე გუნარის გუნდის დაუმარცხებელი სერია პსჟ-მ შეწყვიტა. აღნიშნულ მატჩში ტრავმები მიიღეს ენტონი მარსიალმა და ჯესი ლინგარდმა. ოლე გუნარის განცხადებით კი დუეტი შემდეგი 2-3 კვირა თამაშის ჩატარებას ვერ შეძლებს. სოლსკიაერმა აღნიშნა, რომ მათ ნაცვლად გრინვუდის გამოყენებას აპირებდა, თუმცა, როგორც აღმოჩნდა, მეისონიც ტრავმირებულია.

"იუნაიტედი" რთულ სიტუაციაშია და სწორედ ამ მდგომარეობიდან გამომდინარე, მეისონი "წითლებს" დამარცხებას უწინასწარმეტყველებს:

"პსჟ-სთან გამართული მატჩის შემდეგ "იუნაიტედი" მიწაზე დაბრუნდა. ეს რთული მატჩი იქნება და მგონია, რომ ეს თამაში "ჩელსის" გამარჯვებით დასრულდება. ვფიქრობ, რომ ჩემპიონთა ლიგაზე დამარცხებამ "იუნაიტედი" მრავალმხრივ გატეხა და ისინი გამარჯვებას სწორედ ამიტომ ვერ მოახერხებენ.

გარდა ამისა, მათ არ ეყოლებათ ჯესი ლინგარდი. მან ტრავმა სწორედ პსჟ-სთან მიიღო. ალექსის სანჩესმა კი ვერაფრის გაკეთება ვერ შეძლო.

ეს მატჩი ორივე გუნდისათვის უაღრესად მნიშვნელოვანია. "მანჩესტერ იუნაიტედი ახლა დიდი წნეხის ქვეშაა. მგონია, რომ პსჟ-სთან დამარცხება კიდევ ვერ გადაიტანეს. ამ კვირამ შეიძლება ისინი საბოლოოდ ჩაძიროს, რადგან "ჩელსისთან" წაგების შემთხვევაში ინგლისის თასს გამოეთიშებიან. ჩემპიონთა ლიგაზე დარჩენა კი თითქმის შეუძლებლად მიმაჩნია. პირადად ჩემი აზრით, სწორედ ეს პერიოდი გადაწყვეტს ოლეს კლუბში დარჩენის საკითხს.

პროგნოზი: "ჩელსი" 2-1 "იუნაიტედი".


წყარო: SkySports