სერ ალექსი თვლის, რომ "ინგლისის თასის" მეხუთე რაუნდში "იუნაიტედმა" ყურადღება უნდა ადევნოს "რედინგის" ფორვარდს ადამ ლე ფონდრეს. 2013 წელს თავდამსხემლმა უკვე მოახერხა 7 გოლის გატანა.

"მე ვნახე ლე ფონდრეს თამაში, როცა ის "სტოკპორტ კაუნტიში" გამოდიოდა" - განაცხადა ბოსმა. "სტოკპორტიდან" პრემიერ ლიგაში გადასვლა დიდი ნაბიჯია და საჭიროა მისი ძალები სათანადოდ შევაფასოთ. წინა თამაშში, ის შეცვლაზე შემოვიდა ბოლო 10 წუთში "სტოკ სიტის" წინააღმდეგ, ამ დროში მან განახორციელა კარში დარტყმა, რომელიც მეკარემ მოიგერია და ასევე მოიპოვა პენალი. ბევრ გუნდს ჰყავს ფეხბურთელები, რომლებიც კარგად თამაშობენ შეცვლიდან. აი თუნდაც ჩვენი მაგალითები: ოლე გუნარ სულშერი და ჩიჩარიტო."

"ლე ფონდრემ გაიტანა საშინაო არენაზე გატანილი გოლების უმრავლესობა, ასევე რამდენიმეჯერ მოახერხა გოლის გატანა თამაშის მიწურულს. "რედინგის" მწვრთნელის, ბრაიან მაკდერმოტისთვის ეს დიდი პლიუსია. ადრე გუნდი თანდათან ეშვებოდა ცხრილის ბოლოსკენ, ეხლა კი მათ გამოსდით თამაშების გადარჩენა ბოლო წუთებზე. "რედინგმა" სახლში დაამარცხა "სანდერლენდი" და "ვესტ ბრომვიჩი", ასევე ქულები წაართვა "ჩელსის", როდესაც ისინი 2-0 აგებდნენ. ამ გუნდს შეუძლია ბრძოლა."

"შემდეგ შაბათს მათ აქვთ რთული საშინაო მატჩი "უიგანთან" - აღნიშნა სერ ალექსმა - "მე ძალიან მაინტერესებს რა შემადგენლობით ითამაშებენ ჩვენს წინააღმდეგ. ალბათ ეს არ იქნება უძლიერესი შემადგენლობა, მაგრამ არაფრის თქმა არ შეიძლება დარწმუნებით. ჩვენ გველოდება რთული თამაში ინგლისის თასის მეოთხედფინალში და არა მგონია, რომ მოტივაციის პრობლემა გვექნება."

www.manutd.ru