"მანჩესტერ იუნააიტედის" პარიზულ კლუბთან მარცხის შემდეგ, ჟურნალისტებისთვის მიცემულ ინტერვიუში, კლუბის ყოფილმა ლეგენდარულმა უკანახაზელმა რიო ფერდინანდმა, "წითელი ეშმაკების" შეტევის ხაზი გააკრიტიკა და განაცხადა, რომ მათ თავდასხმაში ვერაფერი ვერ შესთავაზეს მოწინააღმდეგეს.

"წითელმა ეშმაკებმა" შეტევაში ვერაფრის ჩვენება ვერ შეძლეს. ხოლო რა ქნა "პარი სენ ჟერმენმა"? მათ ორი წამყვანი ფეხბურთელის გარეშე გამარჯვება მოიპოვეს". – ციტირებს უეფას პრეს – სამსახური რიო ფერდინანდის სიტყვებს.

განმეორებითი მატჩი "წითელ ეშმაკებსა" და "პარიზელებს" შორის 6 – მარტს საფრანგეთში გაიმართება. ოლე გუნარ სოლსკიაერის შეგირდებს ორ ბურთიანი სხვაობის აღმოფხვრა მოუწევთ.

შეგახსენებთ, რომ განმეორებით მატჩში ნორვეგიელ სპეციალისტს შემადგენლობაში პოლ პოგბა არ ეყოლება, რომელმაც გუშინდელ მატჩში წითელი ბარათი მიიღო და მოედანი დროზე ადრე დატოვა.