"არსენალის" ყოფილმა მწვრთნელმა არსენ ვენგერმა განაცხადა, რომ "მანჩესტერ იუნაიტედის" წაგების მთავარი მიზეზი მოედნის ცენტრის დათმობა იყო.
წუხელ "წითელმა ეშმაკებმა" "პარი სენ-ჟერმენის" წინააღმდეგ ჩემპიონთა ლიგის შეხვედრა ჩაატარეს და ოლე გუნარ სოლსკიაერის ხელმძღვანელობისას პირველი მარცხი განიცადეს. ნორვეგიელმა თავის მხრივ აღაიარა, რომ პსჟ-მ გაცილებით მაღალი კლასი გამოავლინა.
მატჩის შემდეგ თამაშის ანალიზისას ვენგერი "იუნაიტედის" დროებითი მწვრთნელის მოსაზრებას დაეთანხმა და ასევე განაცხადა, რომ "წითელთა" მარცხის მთავარი მიზეზი პოლ პოგბას, ანდერ ერერასა და ნემანია მატიჩის მიერ მოედნის ცენტრის ოპონენტებისთვის დათმობა გამოდგა.
"ამ გუნდებს შორის სხვაობა ტექნიკური თვალსაზრისით და თამაშის აღქმის უნარით ძალიან დიდი იყო და მატჩის მიმდინარეობისას მხოლოდ იზრდებოდა.
"მანჩესტერ იუნაიტედი" სახლში თამაშობდა და მხოლოდ ერთხელ დაარტყა კარში ჩემპიონთა ლიგის მატჩში. ეს ფაქტი თავად მეტყველებს გუნდებს შორის სხვაობაზე.
ჩემპიონთა ლიგაზე დაუშვებელია ნახევარდაცვის ხაზში მეტისთვის დომინირების უფლების მიცემა, "მანჩესტერ იუნაიტედს" კი მოწინააღმდეგ მთელი შეხვედრის განმავლობაში ჩაგრავდა ნახევარდაცვაში. პსჟ ხუთი ნახევარმცველით თამაშობდა და ბურთს არასდროს კარგავდა.
"მანჩესტერ იუნაიტედი" კი ვერაფრით ახერხებდა ბურთის წართმევას, ხოლო როცა მათ ჰქონდათ, მალე კარგავდნენ, რადგან პსჟ ნახევარდაცვას მთლიანად ფლობდა.
როცა სახლში თამაშობ და ბურთს ვერ იჭერ, ნახევარდაცვაში ბრძოლას აგებ, ყოველთვის რთულ ვითარებაში აღმოჩნდები", - განაცხადა ვენგერმა.
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.