პეტერ შმეიხელი და გარი ნევილი პარიზში გასამართ მატჩზე სხვადასხვა აზრის არიან. შეგახსენებთ, რომ "იუნაიტედი" გუშინ საკუთარ სტადიონზე 2-0 ანგარიშით დამარცხდა. სამ კვირაში კი ოლე გუნარის შეგირდები პარიზს ეწვევიან.

"უნდა ვაღიაროთ, რომ პსჟ უკეთესი გუნდია და ვფიქრობ, რომ "იუნაიტედისთვის" ყველაფერი უკვე დასრულებულია."

შმეიხელმა და ნევილმა ორივემ მიიღეს 1999 წლის ჩემპიონთა ლიგის ფინალში მონაწილეობა და დიად დანიელს ყოფილი თანაგუნდელის შეფასება საერთოდ არ ესმის.

"არ ვიცი, რატომ თქვა ნევილმა ეს. პარიზში გასამართ მატჩამდე სამი კვირაა, ამ პერიოდის განმავლობაში ძალიან ბევრი რამის გაკეთება შეიძლება. გუშინდელი თამაშიდან "იუნაიტედმა" უკვე საკმარისზე მეტი ისწავლა, კარგი გაკვეთილი მიიღო."

"სამი კვირა საკმარისზე მეტი დროა გაუმჯობესებისთვის. შეგიძლია, ბევრი ივარჯიშო, შეგიძლია შესაბამისი გეგმა მოიფიქრო."

თავად სოლსკიაერიც უარს აცხადებს დანებებაზე და აცხადებს, რომ საფრანგეთში "იუნაიტედი" თავის სიტყვას იტყვის:

"გასახდელში ძალიან დიდი მოტივაცია სუფევდა. ყველას სურს, რომ ეს ყველაფერი თავის ადგილას დალაგდეს. ჩვენ ამ დღეს უბრალოდ ჩავლის საშუალებას მივცემთ. პირველ რიგში, პარიზში პირველივე ტაიმში ერთი ბურთის გატანას და არცერთის გაშვებას უნდა დავუმიზნოთ. ვნახოთ, რა მოხდება. წინ ბევრი დროა."


წყარო: M.E.N.