ოლე გუნარ სოლსკიაერს "პარი სენ-ჟერმენთან" მატჩის შემდეგ ენტონი მარსიალისა და ჯესი ლინგარდის ტრავმის შესახებ ჰკითხეს.
ნიჭიერთა დუეტმა შეხვედრის პირველი ტაიმის დასრულების შემდეგ მოედანზე გამოსვლა ვეღარ მოახერხა და მათი ადგილი ალექსის სანჩესმა და ხუან მატამ დაიკავეს.
ლინგარდმა თავისი დაზიანება მარსიალისთვის პასის გაკეთებისას მიიღო, ხოლო ფრანგი უფრო ადრე დაშავდა, მაგრამ შესვენებამდე თამაშის გაგრძელებას ახერხებდა. ოლემ დაადასტურა, რომ ტრავმები ბარძაყსა და კუნთზე აღენიშნებათ ფეხბურთელებს ლინგარდსა და მარსიალს, შესაბამისად.
წინამდებარე მნიშვნელოვანი მატჩების ფონზე "იუნაიტედისთვის" ძალიან მნიშვნელოვანია შემადგენლობის ძირითადი წევრების ყოლა განკარგულებაში.
"ამ ტრავმებს ვერ აღიქვამ მარცხის მიზეზად, რადგან ჩვენს შემადგენლობაში შემოგვემატნენ მატა და სანჩესი, რომლებიც ძალიან კარგი მოთამაშეები არიან. მაგრამ, რა თქმა უნდა, ჯესი და მარსიალი რაღაცას გვმატებენ. იმედი ვიქონიოთ, რომ სერიოზული არაა.
კუნთოვანი ტრავმები აქვთ, ამიტომ რამდენიმე დღე უნდა მოვიცადოთ და ვნახოთ.
ჯესი და მარსიალი ჩვენი გუნდი მნიშვნელოვანი წევრები არიან და როცა ისინი დაგვაკლდნენ, მეორე ტაიმში საკმარისად მოძრაობა ვეღარ შევძელით.
ალბათ, სხვა სათამაშო სტილი უნდა ავირჩიოთ, როცა ჯესი და ენტონი მიუწვდომელნი არიან".