"მანჩესტერ იუნაიტედი" სტუმრებმა 2-0 ანგარიშის სხვაობით დაამარცხეს. ანდერ ერერას განცხადებით, კუთხურამდე ყველაფერი იდეალურად მიდიოდა და სწორედ ამ კუთხურმა გადაწყვიტა დღევანდელი მატჩის ბედი.
"ვფიქრობ, პირველი გოლამდე ყველაფერი თანაბრად მიდიოდა. ძალიან დაძაბული თამაში იყო. ვერ ვიტყვი, რომ ჩვენ ისინი დავჯაბნეთ, მაგრამ ვერც იმას ვიტყვი, რომ ისინი გვჯობდნენ. ძალიან რთულია ეს ყველაფერი. პსჟ უმაღლესი დონის გუნდია და როდესაც მათნაირ გუნდთან თამაშობ კუთხურიდან ნამდვილად არ გინდა ბურთის გაშვება. სხვა მომენტი პირველი 60-65 წუთი მათ არ ჰქონიათ. ის ორი მომენტიც, რომელიც შექმნეს თამაშგარე მდგომარეობა იყო. გოლის შემდეგ კონტრშეტევებზე გადავიდნენ. ყველამ ვიცით, რომ მათ ძალიან სწრაფი ფეხბურთელები ჰყავთ."
"პირველ ტაიმში პრესინგს ვთამაშობდით და მათ თავისუფალ სივრცეებს არ ვუტოვებდით, მაგრამ გაშვებული გოლის შემდეგ ეს სივრცეები მუდმივად ჩნდებოდა. თუმცა ეს ფეხბურთია და ყველა თამაშისგან რაღაცის სწავლა შეიძლება. არ შეიძლება პსჟ-ს წინააღმდეგ გოლის ასე გაშვება, რადგან ყველაფერი გაცილებით უფრო რთული ხდება. თუმცა ჩვენ მატჩი მოვიგეთ "ტოტენჰემის" წინააღმდეგ, მოვიგეთ "არსენალის" წინააღმდეგ და ისინი პსჟ-ზე არაფრით ნაკლები არ არიან. პარიზში დანებებული არ ჩავალთ, ყველაფერს გავაკეთებთ, რათა მათთვის მატჩი გავართულოთ. ახლა ინგლისის თასისკენ უნდა მივმართოთ კონცენტრაცია."
"ეს შედეგი ძალიან მტკივნეული არ იქნება, რადგან ასე დავმარცხდით. როდესაც მარცხდები და შენი თამაში გაცილებით უარესია შენი მოწინააღმდეგის თამაშზე, ეს მტკივნეულია. თუმცა კიდევ ერთხელ ვიმეორებ, კუთხურამდე ჩვენ ყველაფერს ვაკონტროლებდით. არ ვამბობ, რომ უკეთესი ვიყავით, მაგრამ არც მათ ჰქონდათ შანსები. 0-0 უკეთესი შედეგი იქნებოდა, ყველაფერი პარიზში გადაწყდებოდა. ეს ახლა გაცილებით უფრო რთულია ჩვენთვის, მაგრამ როგორც უკვე აღვნიშნე წარსულში გამარჯვების კარგი მაგალითები გვაქვს, ასე რომ ვნახოთ რა მოხდება."
"ჩელსისთან" დიდი მატჩი გვაქვს სათამაშო, ასე რომ დროს არ დავკარგავთ იმის ფიქრში, თუ რა მოხდა დღეს. ამ ჩემპიონატში წავაგეთ ფინალი გასულ წელს. ამ სეზონში კი ამ თასის მოგების რეალური შანსი გვაქვს, ასე რომ ყველაფერს გავაკეთებთ გამარჯვებისთვის."