ნემანია მატიჩი, პრემიერ ლიგის ბოლო ტურში მოპოვებულ გამარჯვებაზე და გუნდის ოთხეულში დაბრუნებაზე საუბრობს და აცხადებს, რომ ოლე გუნარ სოლსკიაერი ყოველთვის ინარჩუნებს პოზიტიურ განწყობას.
"ვიცოდით, რომ თუ გამარჯვებას მოვიპოვებდით ოთხეულშიც დავბრუნდებოდით. დიახ "ჩელსის" თადარიგში ერთი თამაში აქვს (ინტერვიუ ჩაწერილია ლონდონელების მატჩამდე) მაგრამ მოპოვებული სამი ქულით მოხარულები ვართ.
კარგად ვითამაშეთ, ერთმანეთის მხარდამხარ ვიბრძოდით, გავიტანეთ სამი გოლი და საკუთარი კარები მშრალადაც შევინახეთ. რა თქმა უნდა ძალიან კმაყოფილები ვართ.
როდესაც გსურს, რომ გახდე ჩემპიონი, უნდა მოიგო მატჩები რასაც ჩვენ 7 - 8 თამაშია ვაკეთებთ. თუ მომდევნო სეზონშიც მსგავსად ვითამაშებთ ჩემპიონობისთვის ბრძოლაში აუცილებლად ჩავერთვებით.
სოლსკიაერი ყოველთვის პოზიტიურად გამოიყურება. რა თქმა უნდა როდესაც ისე ვერ ვთამაშობთ როგორც საჭიროა მას ყვირილიც შეუძლია, მაგრამ ის ყოველთვის ტოვებს შენს თვალში პოზიტიური ადამიანის შტაბეჭდილებას რადგან ის ასეთია. ოლე ჩვენთნაც ისეთია როგორც პრეს კონფერენციებზე". - ციტირებს The Daily Mail - მატიჩის სიტყვებს.
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.