"მანჩესტერ იუნაიტედის" მწრთვნელმა, ოლე გუნარ სოლსკიაერმა, პსჟ-ს ფორვარდს, ედინსონ კავანის, "ვიკინგი" უწოდა. როგორც ინტერვიუში იხილავთ, ნორვეგიელი ფრანგებს ძალიან დიდ პატივს სცემს და აღიარებს, რომ მათ შეტევის ხაზს ნებისმიერი მცველებისთვის დიდი პრობლემების შექმნა შეუძლიათ.
უკვე დადასტურდა, რომ ნეიმარი პირველ მატჩს გამოტოვებს და, სავარაუდოდ, ვერც პარიზში გამართულ თამაშში შეძლებს მონაწილეობის მიღებას, მაგრამ ოლე მშვიდად მაინც ვერ გრძნობს თავს, რადგან პსჟ-ს კავანი, მბაპე და რამდენიმე სხვა ისეთი ტალანტი ჰყავს, რომელსაც ტომას ტუხელი თავის სასარგებლოდ გამოიყენებს. "პსჟ ერთ-ერთი ყველაზე რთული ოპონენტია, მაგრამ ამ მატჩს მაინც მოუთმენლად ველით. "იუნაიტედს" მიღმა მათი ტრიო ჩემთვის საუკეთესო სამი ფორვარდია."
"მათ უმაღლესი კლასის ფეხბურთელები ჰყავთ ყველა პოზიციაზე: ოთხი მცველი, სამი ნახევარმცველი და შემტევი ტრიო - ყველა მათგანი ფანტასტიკურია. ტუხელი კი ძალიან კარგი მწრთვნელია და კარგი ტაქტიკებით თამაშობს. მას შეუძლია 3-4-3, 4-4-2 ან 4-3-3 პოზიციის გამოყენება. ასე რომ მათ წინააღმდეგ წინასწარ რამე სპეციფიკურ ტაქტიკას ვერ მოვამზადებთ. ჩვენ მხოლოდ საკუთარ თავზე უნდა მოვახდინოთ კონცენტრირება და ჩვენი შესაფერისი მატჩი ჩავატაროთ. თუ ამას გავაკეთებთ, ვფიქრობ, რომ სათანადო წინააღმდეგობას გავუწევთ."
"აუცილებლად უნდა ვაღიარო, რომ მათ მართლა ყველაფერი აქვთ. ისინი სივრცეებს ქმნიან, ტექნიკა და ძალა აქვთ."
"კავანი ვიკინგისავითაა, აი სწორედ იმ ვიკინგს ჰგავს, რომელიც ვიდეოში გყავთ ნანახი, ნამდვილი მებრძოლია! მბაპეს დაუჯერებელი სისხარტე აქვს, მასზე სწრაფად ვერავინ ანათებს."
"და ბოლოს - ნეიმარი. ის საოცრად ცდება ფეხბურთელებს და შესრულებაც უმაღლესი დონის აქვს ხოლმე. ბრწყინვალედ იყენებს და ასრულებს მომენტებს."
"მაგრამ ეს არაფერს ნიშნავს, მე სამი ძალიან კარგი ფორვარდი მყავს, არ აქვს მნიშვნელობა რამდენი ითამაშებს ორი თუ სამი. მარკუს რეშფორდი, ენტონი მარსიალი და რომელუ ლუკაკუ - ბრწყინვალენი არიან. გარდა ამისა ჩვენ ალექსის სანჩესი და ჯესი ლინგარდი გვყავს. ისინი პსჟ-ს დაცვას დიდ გამოწვევას შესთავაზებენ და დიდ პრობლემებსაც შეუქმნიან," - დაასრულა ოლე გუნარმა.