ჩემპიონთა ლიგის მერვედფინალური შეხვედრები 12 თებრვალს აიღებს სტარტს. ტურის ერთ ერთი ცენტრალური შეხვედრა "ოლდ ტრაფორდზე" ტომას ტუხელის "პარი სენ ჟერმენსა" და ოლე გუნარ სოლსკიაერის "მანჩესტერ იუნაიტედს" შორის გაიმართება.

საკადრო პრობლემები ორივე გუნდს გარკვეულწილად აქვს, თუმცა უნდა აღინიშნოს ისიც, რომ გერმანელი მწვრთნელის გუნდში ტრავმირებულ ფეხბურთელთა უფრო ფართო სიაა. ფრანგებს ვერ დაეხმარება გუნდის ერთ ერთი წამყვანი ფეხბურთელი და მთავარი ფიგურა ბრაზილიელი ვარსკვლავი ნეიმარ და სილვა.

სულ ახლახანს საფრანგეთის ჩემპიონატში გამართულ შეხვედრაში ტრავმა მიიღო პარიზელების ფორვარდმა ურუგვაელმა შემტევმა ედინსონ კავანიმაც, რომელიც ამ შეხვედრაში გუნდს ვერ დაეხმარება.

RMC Sport – ავრცელებს უახლეს ინფორმაციას რომლის თანახმადაც ტუხელს კიდევ ერთი თავსატეხი დაემატა. კერძოდ ნეიმართან და კავანისთან ერთად აღნიშნულ მატჩს გუნდის 27 – წლის მარჯვენა მცველი ტომას მუნიეც გამოტოვებს.

მიმდინარე სეზონში, მუნიემ პრიზელების რიგებში ჩატარებულ 22 შეხვედრაში 4 გოლი და 5 საგოლე გადაცემა ჩაიწერა პირად აქტივში.