ჟოზე მოურინიოს წასვლის შემდეგ, ყველასთვის მოულოდნელად ინგლისური გიგანტი, ნორვეგიელმა სპეციალისტმა ოლე გუნარ სოლსკიაერმა ჩაიბარა. "წითლების" ხელმძღვანელობამ ოლეს ხელშეკრულება სეზონის ბოლომდე გაუფორმა.

პორტუგალიელის კლუბში ყოფნის დროს "მანჩესტერ იუნაიტედის" ჩამორჩენა ტოპ ოთხეულის გუნდებთან 11 ქულას შეადგენდა, ამჟამად ისინი ოთხეულში დამკვიდრებულები არიან და უახლოეს მდევრებს 1 ქულითაც უსწრებენ.

გულშემატკივრების უმრავლესობას სურს, რომ სერ ალექს ფერგიუსონის ყოფილი შეგირდი, კლუბის მთავარი მწვრთნელის პოსტზე დიდხანს დარჩეს. საინტერესოა რას ფიქრობს "ოლდ ტრაფორდის" ხელმძღვანელობა?

The Times – ავრცელებს ინფორმაციას რომლის თანახმადაც, თუ ოლეს შეგირდები ჩემპიონთა ლიგის მერვედფინალურ ბარიერს დაძლევენ, კლუბის აღმასრულებელი დირექტორი ედ ვუდვორდი სპეციალისტს, სეზონის დასრულების შემდეგ ახალ გრძელვადიან კონტრაქტს გაუფორმებს.

შეგახსენებთ, რომ "მანჩესტერ იუნაიტედი" პირველ შეხვედრას 12 თებერვალს "ოლდ ტრაფორდზე" ფრანგული "პსჟ" – ეს წინააღმდეგ გამართავს, ხოლო საპასუხო შეხვედრა პარიზში 6 მარტს გაიმართება.