დავიდ დე ხეა აცხადებს, რომ პსჟ კვლავ მატჩის ფავორიტად რჩება და ყველა მიიჩნევს, რომ ისინი "იუნაიტედის" დამარცხებას შეძლებენ.
"ძალიან რთული და ლამაზი თამაში იქნება. დიდებული მატჩი, მთელი თავისი განსაკუთრებულობით."
"პსჟ დიდებული კლუბია, მსოფლიოში რამდენიმე საუკეთესო ფეხბურთელით. ისინი ფავორიტები არიან. თუმცა ჩვენ ძალიან მოტივირებულები ვართ და ვიქნებით. ჩვენ ყველას გვსურს ამ მატჩის თამაში და მოგება."
"ასეთ მატჩებში პატარ-პატარა დეტალები ქმნის განსხვავებას. ეს ძალიან დაძაბული მატჩი იქნება. ვიმედოვნოთ, რომ ეს დეტალები ჩვენ სასარგებლოდ იმოქმედებს."
"რაც შეეხება ნეიმარის არ ყოფნას, ძალიან მწყდება გული, რომ არ იქნება. მტკივნეულია, რომ ასეთ ფეხბურთელს მისთვის ასეთი მნიშვნელოვანი მატჩის თამაში არ შეუძლია. ვერ შეიგრძნობს ამ მატჩის დიდებულებას."
"ძალიან ცუდია, მაგრამ ყველამ კარგად ვიცით, რომ მასთან ერთად პსჟ-ს კიდევ ბევრი განსაკუთრებული ფეხბურთელი ჰყავს. ძალიან ბევრია ისეთი, რომლებსაც მისი მარტივად ჩანაცვლება შეუძლიათ და ისინიც ძალიან საშიშები იქნებიან ჩვენთვის. ყველა უმაღლესი დონისაა."
"ჩვენს გუნდს რაღაცის მოგება შეუძლია. პოლ პოგბა ჩვენი ღერძია, ენტონი მარსიალი კი შეუჩერებელია. ჩვენ ვიბრძოლებთ ფინალში მოსახვედრად, მაგრამ ჯერ პსჟ უნდა დავამარცხოთ და შემდეგ ვნახოთ."