"რედინგთან" მატჩის შემდეგ ფრედი მოედანზე არ გამოჩენილა. პრემიერ ლიგაში კი "კარდიფის" შემდეგ არ უთამაშია.
"იუნაიტედმა" "შახტარს" მასში 52 მილიონი ფუნტი გადაუხადა, თუმცა მისი გამოყენება ნაკლებად შეძლო.
ნემანია მატიჩმა, ანდერ ერერამ და პოლ პოგბამ ადგილი ძირითადში უკვე დაიმკვიდრეს. ისინი, როგორც წესი, სოლსკიაერის პირველ არჩევანს წარმოადგენენ, თუმცა ნორვეგიელის განცხადებით, მას ფრედისაც სჯერა.
"ფრედი ზუსტად ისეთივეა, როგორც დანარჩენი ყველა. ვიცი, რომ მასაც შეუძლია გუნდისთვის სარგებლის მოტანა და ასეც იქნება, ამაზე არ იღელვოთ."
"მე ძალიან კარგად ვიცი, რომ ფრედის სახით ძალიან კარგი ფეხბურთელი გვყავს. იმედი მაქვს, რომის ინგლისურ ფეხბურთს კარგად მოერგება. მე ეჭვი არ მეპარება მის ტალანტში."
"აქ მოსვლა ყოველთვის რთულია. პირველი: ეს "მანჩესტერ იუნაიტედია", შენგან ყველა მაშინათვე გაბრწყინებას ელის. მეორე: ეს ინგლისური ლიგაა, რომელსაც მიჩვეული არ ხარ. თუმცა ის ბრაზილიელია, ისევე როგორც ანდრეასი და მას ნიჭიც აქვს და ვიცი, რომ როცა შანსს მიიღებენ აუცილებლად გამოიყენებენ."
"მე როდესაც ანდრეასი, სკოტი და ფრედი "რედინგთან" ვათამაშე ეს მათი გულის მოსაგებად არ გამიკეთებია. მაგრამ კარგად ვერ დავინახე მაინც რა შეუძლიათ, რადგან იმ მატჩში 9 ცვლილება განვახორციელე. შემდეგში, როცა შანსს მივცემ ეს გაცილებით მარტივი იქნება, რადგან ერთი ან ორი ცვლილება იქნება და გაცილებით უფრო მარტივი აღმოჩნდება ყველაფერი. მერე დავინახავთ თუ რა შეუძლიათ."
"ბევრი ფეხბურთელი არსებობს, რომელსაც პირველი რამდენიმე თვე გაუჭირდათ. მაგალითად ფორლანი, ეს ერთ-ერთი საუკეთესოა, მაგრამ დასაწყისში ბევრს წვალობდა. თუნდაც ვერონი, ამ ორ ფანტასტიკურ ფეხბურთელს დრო დასჭირდათ გასაბრწყინებლად. მაგრამ შემდგომ ყველაფერი დალაგდა და მათაც გამოავლინეს თავიანთი შესაძლებლობები."
"ამიტომაც არ ვფიქრობ, რომ ფრედს რამე სანერვიულო აქვს, ის აუცილებლად მიიღებს შანსებს."