კრის სმოლინგმა ტრავმის მიღების შემდეგ პირველი მატჩი ჩაატარა. მისი დაბრუნება ბრწყინვალე იყო, თავად ინგლისელმა შესანიშნავი მატჩი ჩაატარა, "იუნაიტედმა" კი მეტოქე 3-0 ანგარიშით დაამარცხა. სმოლინგი თამაშით თავადაც ნასიამოვნები დარჩა.

"პირველი ათი წუთი საკმაოდ ქაოტური იყო. ქარმაც ხელი შეგვიშალა, მოედანი არც ისე კარგი გახლდათ... მე გამოღვიძება და კონცენტრირება ძალიან მცირე დროში მომიწია, მაგრამ დიახ, ძალიან კარგი იყო დაბრუნება და გუნდის გამარჯვებების სერიაში ჩართვა. საოცარ ფორმაში ვართ."

"აუცილებელი იყო, რომ ის პირველი 10 წუთი გადაგვეტანა და ასეც გავაკეთეთ. ამის შემდეგ როდესაც ბურთს მივიღებდით და ის ენტონის, პოლის ან რომელუს ხელთ აღმოჩნდებოდა, ვგრძნობდი, რომ ყოველი მომენტის გოლად ქცევა შეგვეძლო. ვფიქრობ, რამდენიმე შესანიშნავი მომენტი შევქმენით."

"პოგბას ყველაფერი აქვს, თქვენ არ ფიქრობთ ასე? მე დარწმუნებული ვარ, რომ ასეა და ის ამ ყველაფერს მოედანზეც ამტკიცებს. ჩვენი ფორმის ერთ-ერთი ყველაზე მთავარი განმაპირობებელი მიზეზი პოლ პოგბაა. მას უბრალოდ არ გააქვს გოლები, ის სხვის გოლებსაც თავად ქმნის და თამაშებსაც კარგად აკონტროლებს. ჩვენ ძალიან გაგვიმართლა, რომ მისნაირი ფეხბურთელი გვყავს გუნდში."

"თავს ისე ვგრძნობდი, როგორც საკუთარ სახლში, რადგან გულშემატკივრება გარემო მთლიანად აითვისეს. ისინი მთელი 90 წუთი ჩვენთვის მღეროდნენ და არცერთი წამით არ გაჩერებულან. საოცარი შეგრძნებაა უცხო სტადიონზე შენი გულშემატკივრების მიერ შექმნილ ატმოსფეროში თამაში."

"რაც შეეხება მომდევნო თამაშებს, ყველამ ძალიან კარგად ვიცით, რომ წინ დიდი გამოწვევა გველის. ისიც ვიცით, რომ შემდეგი რამდენიმე კვირა ძალიან რთული იქნება და ჩვენ ჯერ კიდევ ძალიან ბევრი გვაქვს გასაკეთებელი. თუმცა მიმაჩნია, რომ რადგანაც ქულების ასე მალე მოპოვება და ცხრილში ზემოთ ასე მალე გადანაცვლება შევძელით, ამ გუნდს ყველაფრის გაკეთება შეუძლია. ახლა კი წაგების უფლება არ გვაქვს."


წყარო: ManUtd.com