პრემიერ ლიგის 26-ე ტურის შემდეგ, სადაც ოლე გუნარის შეგირდებმა სტუმრად, კლაუდიო რანიერის "ფულჰემს" გამანადგურებელი ანგარიშით (0–3) სძლიეს, "წითელი ეშმაკების" ესპანელმა ნახევარმცველმა ხუან მატამ, ერთ ერთი გოლის ავტორზე ენტონი მარსიალზე ისაუბრა და განაცხადა, რომ მას უბრალოდ ბურთი უნდა მიაწოდო და ის თავად იზამს ყველაფერს.

"პოლი და ენტონი ფანტასტიკური ფეხბურთელები არიან. მათ დაუჯერებელი გოლები გაიტანეს. განსაკუთრებულად გამაოცა მარსიალის გოლმა, მსგავსი რამის გაკეთება ბევრს არ შეუძლია. მე ის ძალიან მომწონს. როდესაც ის კარგად თამაშობს ჩვენი გამარჯვების შანსები ძალიან დიდია.

ყოველთვის ვიძახი ერთ რაღაცას და ეს ნამდვილად სიმართლეა: მიაწოდეთ ბურთი ენტონი მარსიალს და ჩვენ გავიმარჯვებთ". - განაცხადა მატამ beIN Sports-ისთვის მიცმულ ინტერვიუში.

"წითელი ეშმაკები" მოპოვებული 51 ქულით სატურნირო ცხრილის მეოთხე ადგილს იკავებენ.

12 თებერვალს ოლე გუნარის ფეხბურთელები მნიშვნელოვან საჩემპიონთალიგე შეხვედრაში პარიზულ პსჟ-ს "ოლდ ტრაფორდზე" უმასპინძლებენ.