პრემიერ ლიგის 26-ე ტური, "მანჩესტერ იუნაიტედის" ფრანგი ნახევარმცველისთვის პოლ პოგბასათვის დუბლის მომტანი აღმოჩნდა. პოლმა "ფულჰემის" კარი აღნიშნული რაოდენობით აიღო და კარიერში საუკეთესო მაჩვენებელიც დააფიქსირა.
25 წლის ფეხბურთელმა მიმდინარე სეზონში მე-10 და მე-11 გოლები მიითვალა პირად აქტივში, გარდა ამისა პოგბას ანგარიშზე 8 საგოლე გადაცემაც ირიცხება. ამ ციფრების დასაფიქსირებლად მას მხოლოდ 23 მატჩი დასჭირდა.
ჟოზე მოურინიოს თაოსნობით პოგბამ 14 მატჩში მხოლოდ სამჯერ გამოიჩინა თავი, ხოლო ოლე გუნარ სოლსკიაერის მოსვლის შემდეგ პოგბა გარდაიქმნა, რის შემდეგაც 9 შეხვედრაში 8 გოლის გატანა შეძლო.
მაშ ასე, პოლ პოგბამ კარიერიაში პირველად გაიტანა 10 ან მეტი გოლი ერთ ჩატარებულ სეზონში, პოლს მსგავსი სტატისტიკა არასდროს არ დაუფიქსირებია.
მსოფლიო ჩემპიონმა ფეხბურთელმა აქამდე "იუვენტუსის" შემადგენლობაში სერია ა-ში მხოლოდ 8-ჯერ აიღო მეტოქეთა კარი.