სეზონის დასრულებამდე არცთუისე დიდი დრო რჩება, თუმცა ამა თუ იმ კლუბის ხელმძღვანელობა საკუთარი შემადგენლობის გადახალისებასა და არსებული ფეხბურთელებისთვის ახალი ხელშეკრულებების მზადების პროცესშია.

გამონაკლისი არც ედ ვუდვორდის "სტაფია", მენეჯმენტი ფეხბურთელების ახალ ხელშეკრულებაზე აქტიური მომზადების ფაზაში შედის. როგორც უკვე მოგეხსენებათ კლუბის ორმა ფეხბურთელმა, ფილ ჯონსმა და ენტონი მარსიალმა უკვე გახანგრძლივეს.

რაც შეეხება გუნდის ესპანელ ლეგიონერს ანდერ ერერას, დიდი ალბათობით წარმოშობით ბასკი ფეხბურთელი ახალ ხელშეკრულებას მიიღებს. – იუწყება Daily Mail.

"მანკუნიანელები" 29 – წლის ფეხბურთელთან მოლაპარაკებების წარმატებით დასრულებასთან ძალიან ახლოს არიან. ერერა "ოლდ ტრაფორდის" ღირსებას 2014 – წლიდან იცავს.

მიმდინარე კონტრაქტი ანდერს სეზონის დასრულების შემდეგ უმთავრდება. მიმდინარე სეზონში ფეხბურთელმა პრემიერ ლიგის 17 მატჩში მიიღო მონაწილეობა, საკუთარ აქტივს კი 2 გოლი და სამი საგოლე გადაცემა შემატა.



წყარო: euro-football