"ოლდ ტრაფორდზე" სერ ალექს ფერგიუსონის ყოფილი შეგირდის, ოლე გუნარ სოლსკიაერის მოსვლამ დარწმუნებით შეიძლება ითქვას, რომ საფეხბურთო სამყაროს გაკვირვებული სახეები შესძინა.

სიურპრიზი რომელმაც მოლოდინებსაც კი გადააჭარბა. ელიტის გარკვეული ნაწილი ოლეს დანიშვნას პესიმისტურად უყურებდა, ზოგს კი მისი სჯეროდა, შედეგი სახეზეა – "წითელი ეშმაკები" უბრალოდ დაფრინავენ.

ოლემ გუნდში შემოიტანა ის ყველაფერი რაც "ოლდ ტრაფორდის" გარემოს აკლდა, შემოიტანა ის მუხტი რაც ფეხბურთელებში დიდი ხნის ჩამქრალი იყო, შეიცვლა ტაქტიკები, სტრატეგიები და "იუნაიტედმა" საკუთარი ფილოსოფიის გამოღვიძება დაიწყო. სოლსკიაერის შეგირდებმა, ოთხეულისკენ სავალ გზაზე შესანიშნავი მატჩები ჩაატარეს და აღნიშნულ ზონასთან მხოლოდ 2 ქულა აშორებთ, მაშინ როდესაც ოთხეული ძალიან შორს იყო, გულშემატკივრების უკმაყოფილება კი პიკს აღწევდა.

განხილვის საგნადაა თემა რომელიც ყველას და ყველაფერს აინტერესებს – მიიღებს თუ არა ლეგენდარული სოლსკიაერის გუნდის ხელმძღვანელობის ნდობას და შესაბამისად ახალ გრძელვადიან კონტრაქტს, ამ კითხვას ევროპის ერთ ერთ წამყვანმა გამოცემამ Mirror – მა უპასუხა.

აღნიშნული წყაროს ცნობით, ოლემ გლეიზერების ნდობა უკვე მოიპოვა და ის აუცილებლად დარჩება ინგლისის ყველაზე ტიტულოვან გუნდში მთავარი მწვრთნელის სტატუსით, ეს ყველაფერი კი სეზონის ბოლოს მოხდება.

ახალი მენეჯერის თაოსნობით, "მანჩესტერ იუნაიტედმა" ყველა ტურნირზე ჩატარებულ 10 მატჩიდან 9 მოიგო, ხოლო ერთი ფრედ დაასრულა.



წყარო: euro-football