8-02-2019, 15:14

ავტორი: RedGirl,

ნანახია: 1727,

კომენტარები: 5

"უკეთესი ხარისხის თამაშები მჭირდება"

ოლე გუნარი გამარჯვებით კმაყოფილია, თამაშის ხარისხით - არა.

ოლე გუნარ სოლსკიაერს სურს, რომ მისგმა გუნდმა უკეთესი თამაშით შეძლოს გამარჯვება. მართალია, "იუნაიტედმა" "ლესტერთან" სამი ქულა მოიპოვა, თუმცა ნორვეგიელი თამაშის ხარისხით უკმაყოფილოა.

"ჩვენ ნაბიჯ-ნაბიჯ მივყვებით ყველაფერს. ჯერ ოთხეულში მოხვედრა გვსურს და თუ ამას შევძლებთ შემდეგ ადგილის შენარჩუნებასა და თამაშის ხარისხის გაუმჯობესებაზე ვიმუშავებთ."

"რა თქმა უნდა, ბოლო ორი თვის განმავლობაში მოპოვებული ქულები ფანტასტიკური იყო. ასე რომ ახლა ჩვენი მთავარი ამოცანა გაუმჯობესებაა. უნდა განვაგრძოთ თამაშების მოგება, მაგრამ ეს გაცილებით უკეთესად უნდა შევძლოთ ვიდრე "ლესტერთან" გავაკეთეთ."

"რა თქმა უნდა, ჩვენ მაინც შევძელით ქულების მოპოვება და ეს იმას ნიშნავს, რომ საკმარისად კარგი თამაში ვაჩვენეთ, მაგრამ ჩვენ ამით არ უნდა დავკმაყოფილდეთ და მხოლოდ ამით არ უნდა ვიყოთ ბედნიერები. მოსაგებად საკმარისად კარგი თამაში არ უნდა გვაკმაყოფილებდეს, მეტი მჭირდება. თამაშის ხარისხი უნდა გავაუმჯობესოთ და ხვალ ამის ძალიან კარგი შანსი გვექნება."

"ყველაზე მნიშვნელოვანი ახლა კონკრეტულ მატჩებზე კონცენტრირებაა. ეს ფეხბურთში ყველაზე მთავარია. პრესა ბოლო დროს სულ პსჟ-ზე, "ჩელსისა" და "ლივერპულზე" საუბრობს. მაგრამ ეს მატჩები ოთხეულში მოხვედრას ვერ გადაგვიწყვეტენ. ასე რომ სხვა მატჩებისკენაც საკმარისი ყურადღება უნდა მივმართოთ. მხოლოდ პსჟ-ზე ფიქრი შორს ვერ წაგვიყვანს. რა თქმა უნდა, ეს დიდი თამაშებია, მაგრამ არ ნიშნავს იმას, რომ ყველა სხვა თამაში მათ ხარჯზე დავივიწყოთ."

წყარო: ManUtd.com

პრესკონფერენცია

5 კომენტარი

№1

ავტორი: BEQA

8 თებერვალი 2019 15:25

სიახლეები: 2
კომენტარები: 4

იმენა სულით და ხორცით წითელია <3

№2

ავტორი: Lalana

8 თებერვალი 2019 15:40

სიახლეები: 82
კომენტარები: 2338

მომწონს როდესაც საუბრობს თამაშის ხარისხის გაუმჯოესებაზე.ზუსტად ასეთი იყო ფერგი.შეიძლება მოეგო თამაში მაგრამ მხოლოდ ამით არ კმაყოფილდებოდა.ძაან სასიამოვნო წასაკითხია ოლეს ინტერვიუები,რადგან ნამადვილად იგრძნობა ამ გუნდისადმი სიყვარული.აცნობიერებს საკუთარ შეცდომებსაც და იმასაც თუ რა არის გუნდში გამოსასწორებელი.სწორ გზაზე ვდგავართ ამ კაცის ხელში.

№3

ავტორი: ikeoni

8 თებერვალი 2019 18:32

სიახლეები: 0
კომენტარები: 11424

ციტატა: BEQA

იმენა სულით და ხორცით წითელია <3

Bazari araa❤️

№4

ავტორი: JuanMata

8 თებერვალი 2019 23:01

სიახლეები: 16
კომენტარები: 2093

ძაან კარგია ამას რომ ამბობს, მართლა არ იყო ბოლო თამაშები იდეალური, მყარი გამარჯვება არ გვქონია და ბარნლისთან საერთოდ ქულებიც დავკარგეთ.

ეს შეიძლება მოურინიოსთვის იყო იდეალური თამაში, მაგრამ რეალურად თუ გინდა რომ ტიტულებისთვის იბრძოლო თამაშის ხარისხი უკეთესი უნდა იყოს.

არაა აქ საუბარი მარტო გოლებზე, თამაშს უნდა აკონტროლებდეს იუნაიტედი.
ყველაზე მეტად ეგ მაღიზიანებდა ჟოზეს ინტერვიუებში, საშინელ თამაშში სადაც შემთხვევით რაღაცას შევაგდებდით, იძახდა კარგი თამაში იყოო და მერე უკვირდა რომ იგივე მახინჯმა თამაშმა სხვაგან არ გაჭრა.

მთავარია განვითარების და უკეთესის სურვილი იყოს და მანჩეატერის ფეხბურთელებით და რესურსებით ყველაფერი შეიძლება.

№5

ავტორი: SANDROGRIGA

12 თებერვალი 2019 10:16