"მანჩესტერ იუნაიტედმა" ოფიციალურ საიტზე განცხადება გამოაქვეყნა. განცხადების მიხედვით, ფილ ჯონსმა ახალ კონტრაქტს მოაწერა ხელი. ჯონსი კლუბში 2023 წლის ივნისამდე დარჩება. კონტრაქტი მის გახანგრძლივების ერთწლიან შესაძლებლობას მოიცავს.

"მე ძალიან მოხარული ვარ ახალი კონტრაქტის გაფორმებით. "მანჩესტერ იუნაიტედი" ჩემი ცხოვრების ყველაზე დიდი ნაწილია უკვე რვა წელია და ყველაფერი მიყვარს, რაც ამ კლუბს ეხება."

"მე მოუთმენლად ველი ყველა გამოწვევას, რომელიც თებერვალში და მომავალში შეგვხვდება. ეს სეზონის ყველაზე რთული პერიოდია. აქვე მინდა, რომ ძალიან დიდი მადლობა მინდა გადავუხადო ოლესა და მთლიან სამწრთვნელო შტაბს მათი თანადგომისთვის. ისინი მუდმივად ცდილობენ ჩემს გაუმჯობესებას," - განაცხადა ჯონსმა.

"ფილმა ძალიან კარგად იცის რა უნდა გააკეთო იმისთვის, რომ "მანჩესტერ იუნაიტედის" ფეხბურთელი იყო. მას მოუგია პრემიერ ლიგა, ინგლისის თასი და ევროპის ლიგა და ახლა კლუბში ერთ-ერთი ყველაზე ძველი ფეხბურთელია."

"ის მალე 27 წლის გახდება. ასაკის მატებასთან ერთად უფრო და უფრო იხვეწება და შესანიშნავ ცენტრალურ მცველად ყალიბდება. მოხარული ვარ, რომ ფილმა მისი მომავალი "იუნაიტედს" მიუძღვნა," - განაცხადა სოლსკიაერმა.


წყარო: ManUtd.com